ДУБАИ | Hotel Novotel Dubai World Trade Centre 4* или ibis Dubai One Central 3*

27.11.2026 – 02.12.2026 (6 дена – 5 ноќи)

1 ден 27.11.2026      СКОПЈЕ – ДУБАИ  

Состанок на групата на аеродромот во Скопје во 14:30 часот. Полетување за Истанбул во 17:35 часот со лет PC 354. Слетување во Истанбул во 21:00 часот по локално време. Полетување за Дубаи во 23:00 часот локално време со лет PC 746. Слетување на аеродромот во Дубаи во 04:15 часот наредниот ден по локално време. Трансфер до хотел. Сместување во избраниот хотел со early check–in (вклучено во цената на аранжманот). Ноќевање.

2 ден 28.11.2026     ДУБАИ

Појадок. Слободен ден за одмор и рекалсација. Попладнето можност за факултативен излет. Ноќевање.
Предлог факултативи:

• Вечерно крстарење со традиционален брод – Дубаи Марина со вклучена вечера (60 € по лице)

Двочасовно опуштено крстарење низ марината, опкружено со спектакуларниот вечерен амбиент, модерните облакодери и светлата на Дубаи. За време на пловидбата ќе уживате во богата вечера на база на отворена шведска маса, со разновидни јадења и безалкохолни пијалаци.

• На врвот – Burj Khalifa 124 кат (само влезница 60 € normal hours/ 75 € prime hours 15:30-18:00 часот )
• Dubai Frame
• The Green Planet Dubai
• Dubai Miracle Garden
• Dubai Butterfly Garden
• Global Village Dubai
• AYA Universe Dubai
• House of Hype Dubai
• Dubai Dolphinarium

3 ден 29.11.2026   ДУБАИ – ПОЛУДНЕВЕН РАЗГЛЕД НА ГРАДОТ

со водич на англиски јазик ( факултативен излет – 50 € по лице )

Појадок. Подгответе се за незаборавно запознавање со Дубаи – градот каде традицијата, луксузот и футуристичката архитектура се среќаваат на едно место. Најпрво ги посетуваме Spice Souq и Gold Souq, каде ќе ја почувствуваме автентичната атмосфера на стариот Дубаи, со мириси на ориентални зачини и блесокот на златото. Продолжуваме покрај Port Rashid и Etihad Museum, а следува фото-пауза кај прекрасната Jumeirah Mosque. Возејќи по Jumeirah Road, стигнуваме до Jumeirah Beach, каде ќе уживаме во погледот кон морето и ќе направиме незаборавни фотографии со Burj Al Arab во позадина. Продолжуваме покрај Al Qasr Palace и Ruler’s Palace, а потоа влегуваме во спектакуларниот свет на Palm Jumeirah, познатиот вештачки остров во форма на палма. Нашето разгледување продолжува по Sheikh Zayed Road, со панорамски разглед кон впечатливите облакодери, Mall of the Emirates, Burj Khalifa највисоката зграда во светот, и футуристичкиот Museum of the Future, по што поминуваме покрај World Trade Centre. Разгледот завршува со панорамски разглед на Dubai Frame, впечатливата златна рамка која симболично ги поврзува стариот и модерниот Дубаи. Враќање во хотел. Слободно време за индивидуални активности.  Ноќевање.

4 ден 30.11.2026    ДУБАИ – Dubai Desert Safari со BBQ вечера ( вклучено во цената на аранжманот )

Појадок. Слободно време за индивидуални активности. Попладнето оранизирана ескурзија Dubai Desert Safari со BBQ вечера (вклучено во цената на аранжманот) со 4×4 возило, во споделена група. По пристигнувањето во пустината нè очекува возбудливо dune bashing – адреналинско возење преку златните пустински дини, проследено со пауза за фотографирање и уживање во зајдисонцето над пустината. По пустинската авантура продолжуваме кон традиционалниот пустински камп, каде ќе имате можност за кратко јавање камила и опуштање во автентична арапска атмосфера. Вечерта е збогатена со атрактивна програма во живо, вклучувајќи стомачен танц (Belly Dance), Tanoura и Fire Show. За крај ве очекува богата BBQ вечера на база на шведска маса, со разновидни јадења и безалкохолни пијалаци. По вечерата следува трансфер назад кон хотелот. Ноќевање.

5 ден 01.12.2026   ДУБАИ – АБУ ДАБИ Целодневна градска тура ( факултативен излет – 70 € по лице )

Појадок. По појадокот подгответе се за целодневно откривање на главниот град на Обединетите Арапски Емирати. Нашата прва станица е величествената Sheikh Zayed Grand Mosque, една од најимпресивните џамии во светот, позната по својата раскошна архитектура, бел мермер и прекрасни детали. Потоа продолжуваме кон BAPS Hindu Mandir, впечатлив хинду храм и симбол на културната разновидност на градот. Следува посета на Art Gallery Museum. Продолжуваме со возење покрај Al Bateen Presidential Palace. Панорамски поглед кон палатата на Неговото Височество од автобус. Пауза за фотографирање кај величествениот Emirates Palace Mandarin Oriental, еден од најпознатите симболи на луксузот во Абу Даби. Нашето разгледување продолжува кон Marina Mall, каде ќе имате слободно време за шопинг. По паузата продолжуваме низ Saadiyat Island, познат по своите културни знаменитости и прекрасното крајбрежје, а потоа возиме по Corniche, прочуеното крајбрежно шеталиште со прекрасни погледи кон градот и Арапскиот Залив. Следува посета на Heritage Village, каде ќе се запознаеме со традиционалниот начин на живот и културното наследство на Емиратите. Потоа правиме кратка пауза на Date Market, каде ќе имате можност да ги разгледате и купите познатите урми и традиционални производи. За крај продолжуваме со возење кон Yas Island, еден од најпознатите забавни и туристички центри на Абу Даби. Турата ја завршуваме со пауза за фотографирање кај Ferrari World Abu Dhabi, препознатливиот тематски парк и една од најпознатите атракции на островот. Враќање во хотел. Ноќевање.

6 ден 02.12.2026   ДУБАИ – СКОПЈЕ

Одјавување од хотелот во раните утрински часови. Трансфер до аеродромот во Дубаи. Полетување за Истанбул во 07:20 часот по локално време со лет PC 749. Слетување во Истанбул на аердором Sabiha Gökçen во 11:20 часот по локално време. Полетување за Скопје во 17:15 часот локално време со лет PC 353. Слетување на аеродромот во Скопје во 16:40 часот.

ПРОМОТИВНИ ЦЕНИ ЗА ПРВИТЕ ПРИЈАВЕНИ

Детали за летот:

PC 354  27NOV  SKP-SAW 17:35-21:00 / PC 746  27NOV  SAW-SHJ 23:00-04:15+1

PC 749  02DEC  SHJ-SAW 07:20-11:20 / PC 353  02DEC  SAW-SKP 17:15-16:40

Во цената на аранжманот е вклучено:

• Авионски билети на релација Скопје – Sharjah – Скопје со Pegasus Airlines
• Рачен багаж до 8кг и чекиран 20 кг багаж по лице
• Трансфер од аеродром – хотел – аеродромот
• Early check–in во избраниот хотел
• 5 x ноќевања со појадок во избранот хотел со 3★ или 4★ во стандардни соби
• Dubai Desert Safari со BBQ вечера
• Организација и реализација на патувањето

Во цената на аранжманот не е вклучено:

• Патничко здравствено осигурување
• Факулативни излети и останати индивидуални трошоци и индивидуални посети
• Туристичка такса која се плаќа директно на рецепција во хотел на лице место при check in или при check out (2-4 € по соба по ноќ согласно категоризација на хотелот и тип на соба).

НАПОМЕНИ:

– Потребна е целосна уплата при резервација , која е без право на промена на име или отказ.
– Задолжително е поседување на валиден пасош со минимум 6 месеци од денот на враќањето.

– Цените се дадени во евра, плаќањето е во денарска противвредност по курс 1 € = 62 денари.

– Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.

– Агенцијата го задржува правото за промена на излетите по денови, места и саатници

– Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата.

– За овој аранжман важат Општите услови за патување на Метрополитен Травел и СКТМ.

ЗЛАТНИОТ ТРИАГОЛНИК НА ИНДИЈА СО ДИВАЛИ-ФЕСТИВАЛОТ НА СВЕТЛИНАТА

ДЕЛХИ-АГРА-ЏАЈПУР 

(03.11.2026-11.11.2026)

Хаотична и мирна, традиционална и модерна, сиромашна и богата-Индија е многу повеќе од обична туристичка дестинација. Во неа е споено се` што е неспоиво: традицијата, модерната архитектура, хаосот и хармонијата, сиромаштвото и раскошот… Индија е земја на чудата-од свети градови до единствени кралевски палати… тоа е искуство што ќе го смени нашиот начин на размислување!

Прв ден: 03.11.2026 (вторник)–Скопје-Истанбул-Делхи

Состанок на групата на аеродромот во Скопје во 07.00 часот. Полетување кон Истанбул во 09.15 часот, слетување во 12:50 часот по локално време. Летот за Делхи е во 20.50 часот.

Втор ден: 04.11.2026 (среда)– Делхи

Пристигнување во Делхи во 05.20 часот по локално време. Организиран трансфер до хотелот Crowne Plaza New Delhi Okhla 5*, или хотел од иста категорија. Појадок, а потоа го оставаме багажот во хотелот и заминуваме на организиран разглед на главниот град на Индија. Делхи е еден од најголемите градови во светот но истовремено и еден од најстарите, со преку 1500 историски споменици од различни периоди, бидејќи градот бил граден и доградуван од повеќе владетели и империи. Одиме директно во стариот дел на Делхи, каде што најпрво ќе ја посетиме џамијата Jama Masјid, една од најголемите џамии во Индија која до 1857 година служела како императорска џамија. Изградена во индо-исламски стил, Jama Masjid е еден од најзначајните културни споменици во Делхи. Оттаму тргнуваме во истражување на Chandni Chowk, еден од најстарите и најголемите пазари во Делхи. Изграден во 1650 година од страна на императорот Shah Jahan, овој пазар има илјадници продавници. Хаосот и шармот на Chandni Chowk ќе го откриеме возејќи се со рикши, традиционалното индиско превозно средство. Денот го завршуваме со организирана вечера во локален ресторан. Сместување во хотелот и слободно време за одмор од патувањето и користење на СПА центарот. Ноќевање.

Трет ден: 05.11.2026 (четврток)- Делхи

Појадок, а потоа се упатуваме кон новиот дел од Делхи, во кој широките авении и грандиозната архитектура ќе ни ги покажат големите контрасти на овој град со 34 милиони жители. Њу Делхи е една од 11-те провинции на Делхи,  изграден од Британците, а денес седиште на Индиската Влада. Тука ќе го посетиме Humayun’s Tomb – огромен мавзолеј на Мугалскиот император Humayun, нарачан и финансиран од неговата сопруга. Како прва ваква гробница на Индискиот супконтинент, претставува претходник на познатиот Таџ Махал и е под заштита на УНЕСКО од 1993 година. Оттаму се упатуваме кон Gurudwara Bangla Sahib, еден од најзначајните храмови на Сикизмот во Индија. “Гурдвара” претставува вид на храм кој буквално значи „Дом на гуру”, а овој е посветен на осмиот од десетте гуруа – основоположници на Сикизмот како религија. Програмата ја завршуваме со посета на Qutub Minar, споменик кој истовремено претставува и минаре и кула на победата. 72-метарската црвена кула е изградена во 12-от век, за време на Делхискиот султанат, и денес претставува еден од најзначајните историски споменици во Делхи. До крајот на денот, слободно време за индивидуални активности и користење на СПА центарот во хотелот. Ноќевање.

Четврти ден: 06.11.2026 (петок)- Делхи–Агра

По појадокот се одјавуваме од хотелот и се упатуваме кон Агра, град во Индиската покраина Uttar Pradesh кој е најпознат како дом на Таџ Махал. Агра бил главен град и центар на моќта на Мугалската империја, која владеела со денешна Индија повеќе од 300 години. Се сместуваме во хотелот Grand Mercure Agra 5*, или друг хотел од иста категорија. Краток одмор од патувањето, а потоа ја посетуваме Agra Fort – историска тврдина на моќната Мугалска династија и местото каде што во 1530 година бил крунисан императорот Humayun. Тврдината е всушност цел град опколен со ѕидини, и во неа ќе можеме да прошетаме низ импресивни палати, дворови и кули. Отааму ќе се упатиме кон градините Mehtab Bagh, кои се совршено позиционирани спроти Таџ Махал, и од каде може да се ужива во најубавиот поглед на овој споменик. Денот го завршуваме со организирана вечера во локален ресторан. Ноќевање.

Петти ден: 07.11.2026 (сабота)- Агра-Џајпур

Рано утрото одиме во посета на еден од најпознатите светски споменици – Таџ Махал. Изграден во 17-ти век од мугалскиот император Shah Jahan како гробница за неговата сакана сопруга, Таџ Махал е ремек-дело на светската архитектура, извајан од беспрекорен бел мермер и сместен во совршено симетрична градина. Покрај визуелната совршеност, Таџ Махал ги отелотворува длабоките идеи во индиската филозофија за рајот, рамнотежата и сеќавањето. Околу 20 илјади работници од цела Индија биле ангажирани во изградбата на овој монументален објект. По враќањето имаме доручек во хотелот, а потоа се одјавуваме и се упатуваме кон Џајпур, живиот “Розов град” на Раџастан. По патот застануваме во посета на Fatehpur Sikri, совршено зачуван историски град од 16ти век. Основан како главен град на Мугалската империја, Fatehpur Sikri своевремено бил центар на политичката моќ и архитектонски израз на империјалната визија. Напуштен по само неколку децении поради недостаток на извори на вода, Fatehpur Sikri денес стои како необичен и импозантен споменик, симбол на амбицијата и кршливоста на империјата. Организиран ручек, а потоа продолжуваме со патувањето кон Џајпур. Пристигнување во попладневните часови и сместување во хотелот Holiday Inn Jaipur City Centre 5*, или во друг хотел од иста категорија. Слободно време за одмор од патувањето и користење на СПА центарот во хотелот. Ноќевање.

Шести ден: 08.11.2026 (недела)- Џајпур

Појадок, а потоа одиме во откривање на Џајпур, главниот и најголем град на Индиската Сојузна Држава Раџастан. Посета на Amber Fort, величествена тврдина, ремек-дело на раџпутската архитектура. Тврдината е град со површина од 4 квадратни километри, изграден од црвен камен и бел мермер и преполн со прекрасно украсени сали и дворови. По пат ќе застанеме да ја погледнеме и Hawa Mahal, познатата црвена палата со безброј мали прозорци и балкони кои наликуваат на саќе. Попладнето имаме време кратко да одмориме во хотелот, пред да се упатиме во домовите на локални семејства каде што ќе имаме уникатна можност да присуствуваме на интимна прослава на Дивали, еден од најголемите хиндуски фестивали кој ја симболизира победата на доброто над злото, светлината над мракот, и знаењето над игнорантноста. Во семејствата ќе не` пречекаат во традиционален дом осветлен со маслени ламби, свеќи и сложени дизајни на ранголи – форма на традиционална индиска уметност. Вечерта започнува со молитви во семејното светилиште, по што следува палење дија (традиционални маслени ламби) за да се одбележи триумфот на светлината и да се покани просперитет за годината што претстои. Ова искуство ќе ни овозможи да ги споделиме празничните моменти со нашите домаќини, додека тие со нас споделуваат традиционални слатки и приказни за значењето на Дивали низ генерациите. Ќе имаме можност заедно со членовите на семејството да учествуваме во подготовка на традиционални закуски и десерти, по што следи празничната вечера. Како што ноќта се продлабочува, ќе можеме да уживаме во нежниот сјај на огнометите во далечината, кои ќе внесат топлина и автентична блискост на ова незаборавно културно искуство. Ноќевање.

Седми ден: 09.11.2026 (понеделник)- Џајпур

Појадок. Продолжуваме со истражување на знаменитостите на  Џајпур, кој меѓу другото е и првиот плански изграден град во Индија, и град кој се уште има свој Махараџа – историска кралска титула во Индија која иако денес нема формално значење, сеуште претставува статусен симбол за неколку ројални семејства во земјата. Ја посетуваме градската палата која се наоѓа во срцето на стариот град и го одразува континуираното наследство на владетелите на Џајпур и рафинираната дворска култура на Раџастан. Мешавина од раџпутски, моголски и европски влијанија, комплексот на палатата вклучува церемонијални дворови, сали за посетители и музејски галерии кои нудат увид во кралскиот живот, управувањето и занаетчиството. Во непосредна близина на палатата се наоѓа Jantar Mantar, историската астрономска опсерваторија на Џајпур и место на светското наследство на УНЕСКО, каде што во 18-ти век биле изградени монументални камени инструменти за мерење на времето, следење на движењата на небесните тела и набљудување на затемнувањата со извонредна прецизност. Заедно, Градската Палата и опсерваторијата го откриваат Џајпур не само како кралска престолнина, туку и како центар на научни истражувања и просветлено владеење. Организирана вечера во локален ресторан, а до крајот на денот слободно време за прошетка низ живите пазари во стариот град, каде шарените тезги со текстил, накит, ракотворби и зачини ги исполнуваат улиците со енергија и шарм. Ноќевање.

Осми ден: 10.11.2026 (вторник)- Џајпур-Делхи

Појадок, а потоа се одјавуваме од хотелот и одиме во откривање на креативната страна на Џајпур, преку посета на традиционалните уметнички работилници во Sanganer, каде што занаетчиите ги демонстрираат вековните занаети на печатење и сина грнчарија. Тргнуваме кон Делхи, а по пат ќе имаме можност да уживаме во пејзажите на Rajasthan и Uttar Pradesh. Сместување во хотелот Crowne Plaza New Delhi Okhla 5*, или хотел од иста категорија. Слободно време за одмор и индивидуални активности. Ноќевање.

Деветти ден: 11.11.2026 (среда)-Делхи-Истанбул-Скопје

Одјавување и организиран трансфер до аеродромот во Делхи. Полетување кон Истанбул во 07.00 часот, слетување во 11.35 по локално време. Поаѓање за Скопје во 20.15 часот, слетување во 19.45 по локално време.

Промотивна цена за уплата до 22.05.2026…..2100 евра (130.200 денари)

ЦЕНА НА АРАНЖМАНОТ………2200 евра (136.400 денари)

(плаќање во денарска противвредност)

Во цената на аранжманот се вклучени следните услуги:

• Авионски билет: Скопје-Истанбул-Делхи-Истанбул-Скопје со вклучени аеродромски такси

• Рачен багаж до 8 кг. и чекиран багаж до 20 кг. по лице

• Сите трансфери вклучени во програмата

• 3 ноќевања со појадок во хотел во Делхи

• 1 ноќевање со појадок во хотел во Агра

• 3 ноќевања со појадок во хотел во Џајпур

• 1 ручек и 4 вечери

• Сите разгледи, посети и влезници вклучени во програмата со организиран трансфер

• Приватна прослава на Дивали со локално семејство

• Лиценциран локален туристички водич

• Лиценциран туристички придружник

• Туристичка такса

Во цената не се вклучени следните услуги:

• Доплата за еднокреветна соба – 500 евра

• Виза за Индија и услуга за визирање – 50 евра

• Бакшиши за локални водичи и возачи

• Патничко осигурување

Напомена: За потврда на резервација е неопходна задолжителна уплата од 500 евра (31.000 денари) најдоцна до 22.05.2026. Втора рата до 22.06.2026, трета рата до 22.07.2026. Целосна доплата на аранжманот до 22.09.2026. Секоја  резервација без уплата е валидна само 48 часа.

Напомена: За реализација на аранжманот потребни се минимум 30 патници

МАДРИД

МАДРИД 13.11-16.11.2026.    .                                                                                                          (4 дена – 3 ноќевања)

Главниот град на Шпанија се наоѓа во срцето на Пиринејскиот Полуостров, помеѓу Атлантикот на север, Средоземното Море на југ, Португалија на запад и Каталонија на исток. Економското и културното средиште на државата изобилува со величествени градби (Кралската палата, Edificio España, Metropolis и Telefonica, Palacio de Cristal), широки булевари (Alcala, Gran Via) и грандиозни плоштади (Plaza Mayor, Puerta del Sol, Cibeles, Neptuno, Colon), како и преубави паркови (од кои најголем и најпопуларен е Retiro), богати музеи (Prado, Reina Sofia, Thyssen-Bornemisza). Тука се наоѓа и стадионот на најтрофејниот фудбалски клуб. Градот се издвојува и со исклучително разновидна гастрономска понуда (од префинети ресторани до локални тапас барови) и содржаен ноќен живот. Мадрид е еден од оние градови каде што нагласено се судираат традиционалното и модерното.

Програма на патувањето:

1. ден (Петок, 13.11.2026) СКОПЈЕ – МАДРИД

Состанок на групата во 15.00 часот и Чек-ирaње на патниците на аеродромот во Скопје, два часа и 30 минути порано во однос на времето на полетување. Предвидено полетување на авионот за Мадрид во попладневните часови 17.15 часот (лет со компанијата Wizz Air ). Слетање во Мадрид во 21.10 часот. По завршување на формалностите на аеродромот, трансфер и  сместување во хотелот.Ноќевање

2. ден (Сабота, 14.11.2026) – МАДРИД (Цена 35€)

Појадок.Пешачка тура низ градот Мадрид придружувана од водич. Средбата на групата на плоштадот Пуерта дел Сол, потоа на Плаза Мајор (каде што се одржаа првите кориди во Мадрид и други важни настани), пазарот “Меркадо де Сан Мигел”, најстариот ресторан во градот “Ботин”, улицата Мајор (каде што се случи првото масовно атентат во историјата на Шпанија). Продолжете ја турата до катедралата во Алмуден, Кралската палата (најголемата палата во Западна Европа) и споменикот на Филип IV. Турнејата завршува во Кралската опера и индивидуално се враќа во хотелот..

3. Ден (Недела, 15.11.2026.) МАДРИД-ТОЛЕДО (Цена 80€);

Појадок. По појадокот, слободен ден за индивидуални активности или одење на екскурзија до Толедо. Едночасовна возење до Толедо, срцето на Кастилја, регија позната по жолтите полиња со пченица, самотните замоци, виноградите, плантажите со шафран, ветерниците и родниот крај на Дон Кихот. Доаѓање во Толедо, старата престолнина на Шпанија и еден од најубавите градови во оваа земја. Изграден е на рид на чиј подножје тече реката Тахо (најдолгата река на Иберијскиот Полуостров, која поминува и низ цела Португалија). Панорама на европските метрополи од видиковец на брегот на реката Тахо, панорама на палатата-тврдина Алказар; прошетка низ старото јадро на градот кое е карактеристично по многубројните згради што спаѓаат во најубавите примери на маварска и средновековна архитектура на Шпанија, но и по градот познат по производство на марципан. Разгледување на готската катедрала (Catedral de Toledo), изградена во текот на три века, од XIII до XV, разгледување на олтарот и ризницата каде се наоѓаат платната на Ел Греко и апостолотите. Враќање во Мадрид. Ноќевање.

4-ти ден (Понеделник, 16.11.2026.) МАДРИД-СКОПЈЕ

Појадок. Кралска палата (Palacio Real de Madrid)
Започнуваме со посета на најголемата кралска палата во Западна Европа. Импресивната резиденција на шпанското кралско семејство воодушевува со својата барокна архитектура, раскошни сали, троновата сала и богато украсените ентериери. Од плоштадот пред палатата се отвора прекрасен поглед кон градините и околината.

Музеј Прадо (Museo del Prado) Цена 20€
Продолжуваме кон еден од најзначајните музеи во светот. Прадо е дом на ремек-дела од Веласкез, Гоја, Ел Греко и Рубенс. Ќе имаме можност да се запознаеме со златната ера на шпанската уметност и најпознатите слики кои ја одбележале европската историја.

Музеј Реина Софија (Museo Nacional Centro de Arte Reina Sofía) Цена 15€
Во близина на Прадо се наоѓа и музејот Реина Софија — центар на модерната и современата уметност. Тука се чува едно од најпознатите дела во светот, „Герника“ од Пабло Пикасо, како и колекции од Дали и Миро. Посетата нуди поинаква перспектива на шпанската уметност, од класика до авангарда.

Плоштадот Еспанија (Plaza de España)
Прошетката ја продолжуваме кон еден од највеличествените плоштади во Мадрид, каде зеленилото и фонтаните создаваат пријатна атмосфера за одмор и фотографии.

Споменикот на Мигел де Сервантес
Во центарот на плоштадот се наоѓа монументалниот споменик на славниот шпански писател, придружен од неговите легендарни ликови Дон Кихот и Санчо Панса. Кратка приказна за шпанската литература и симболиката на делото кое ја одбележа светската книжевност ќе ја заокружи нашата културна тура.

– Враќање во хотел и организиран приватен транспорт до Аеродромот во Мадрид.Полетување од Мадрид во 21:25 часот.Слетување во Скопје во 00:50 часот

                                                                                Попуст за ранa уплатa до 31.09:  489 €  / 30.320 мкд

                                                                                     ЦЕНА НА АРАНЖМАНОТ:  529 €  / 32.800 мкд

Пакет цена за сите факултативи 130€ 

Цената на аранжманот вклучува:

• Авионски превоз на релацијата Скопје – Мадрид – Скопје
• Рачен багаж – 1 торба со димензии 40х30х20см со максимална тежина до 10кг
• Организиран трансфер Ародром – Хотел – Аеродром
• Сместување во Хотел * на база 3 ноќевања со појадок
• Разглед на  Мадрид со локален водич и влезница за Кралската палата
• Организација на аранжманот и придружник на патувањето

Цената на аранжманот не вклучува:

• Доплата за чекиран багаж –   инфо за цена 5 дена пред патување.
• Карти за локален превоз (метро)
• Патничко-здравствено осигурување
• Туристичка такса
• Доплата за еднокреветна соба 5.000 денари

Напомена:

• Цените се по лице за сместување во двокреветни соби и трокреветни соби.
• Дете од 2 до 12 години имаат попуст од 10% од цената за возрасен.
• За реализација на аранжманот потребен е минимум од 20 патници. За резервација задолжителна уплата на аванс од 30% од вкупниот износ на аранжманот. Целосна доплата на аражманот е 10 дена пред поаѓање. Усни и телефонски резервации се невалидни. Плаќањето е исклучиво во денарска против вредност по курс 1 евро = 62,00 денари.
• За реализација на факултативните излети потребен е минимум од 15 патници. При резервација задолжително е изјаснување/пријавување кои од понудените факултативи ќе ги користи патникот како би можела агенцијата навремено да ги организира истите.
• Агенцијата го задржува правото на промена на редоследот на програмата во случај на непредвидени објективни причини, како на пример застој на граница, доцнење на летот, застој во сообраќајот, затвореност на некој од локалитети предвидени за посета …
• Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.
• Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата за ова патување.
• Патникот има обврска пред поаѓање 24 часа да ја контактира агенцијата за потврда на точното време и место на поаѓање.
• Патната исправа треба да е валидна минимум 3 месеци по завршувањето на аранжманот. Валидноста на патните исправи се обврска на патниците, при уплата на резервација должни се истите да ги приложат во агенцијата за проверка.
• За овој аранжман важат општите услови за патување на Т.А МЕТРОПОЛИТЕН ТРАВЕЛ ДОО