Just one second...

 
zanzibar

Занибар-Premium
                                                                                          цена од  1.499EUR,00 сега за само   1.199EUR,00
                                                                                                              03.06.2024 (траење 9 дена)

Одиме на Занзибар, Hakuna Matata!

Занзибар Premium е програма во која ве сместуваме само во Кендва (Kendwa) – по сите стандарди и форуми, најубавата плажа на Занзибар – со бел прашкаст песок, палми и нереално тиркизна вода, каде плимата и осеката воопшто не се изразени, па преку цен ден можеме да уживаме и да се бањаме во ова парче рај. Се сместуваме во прекрасен хотел/ресорт со 4* на самата плажа. Занзибар е комплетно безбедна дестинација, со прекрасни и питоми локалци кои ќе Ви го сменат погледот на животот и нереално вкусна морска, но и интернационална кујна. Денови наменети за перфектно уживање и полнење на батерии.
Факултативно го посетуваме Стоун Таун (Stone Тown), град кој никогаш не спие, каде сé е различно, забрзано, живо, шарено и фасцинантно. Kолевка на културата и вековната традиција, град на бродови и раскошни палати, град со арапски градби и британски вили, сé едно со друго, збиено со брегот на Индискиот океан. Неизоставни знаменитости на ова шармантно гратче се куќата на Фреди Меркјури, Арапската тврдина, Куќата на чудата и секако, локалниот пазар за зачини. Ја посетуваме Накупенда – песочна дина (пуст остров како на цртан филм), опкружена со корален гребен и тиркизна вода, каде што се плажираме цел ден, до зајдисонце. Посетуваме Џунгла со зачини и пливаме со делфини, ја посетуваме Плавата лагуна со огромни морски ѕвезди, познатиот ресторан The Rock, но и Кае Фанк – beach bar на истокот на Занзибар, каде го дочекуваме зајдисонцето со логорски оган, добра музика и коктели. Совршена chill зона!!

Добредојовте во рајот! Патување кое гарантираме дека ќе го памтите до крајот на животот!

Рута: Скопје- Истанбул-Кендва- (Kendwa)-Истанбул-Скопје

План и програма

Ден 1: Состанок на патниците и поаѓањеСостанок на патниците на Меѓународниот Аеродром во Скопје. Утрински лет од Скопје за Истанбул. Преседнување на лет за Занзибар. Авантурата може да започне!
Превоз
Авио билет со сите такси на релација Скопје – Истанбул (Turkish Airlines), во економска класа со вклучен багаж
Место: Скопје-Истанбул

Ден 2: Пристигнување на Занзибар (Zanzibar)Пристигнуваме на Занзибар (Zanzibar) во раните утрински часови и имаме трансфер до сместувањето во Кендва (Kendwa), туристичко место на север на островот на една од најубавите плажи каде не е изразена плимата и осеката. Вистинско уживање во тиркизниот океан и белиот песок. Можност и за ран check-in, доколку нашите соби се спремни и во нив нема туристи кои заминуваат истиот ден. Откога правиме check-in во собите, имаме доволно време да се освежиме, а потоа излегуваме и на плажа имаме информативен состанок со нашиот претставник од агенцијата кој ни ја раскажува програмата и ни кажува технички работи кои би требале да ги знаеме на патувањето (каде да смениме пари, каде да пазариме, каде има најдобро јадење, каде и кога има добра забава итн.) Денот го поминуваме на лежалка, комплетно опуштени, уште во неверување каде се наоѓаме 🙂
Превоз
Авио билет со сите такси на релација Истанбул – Занзибар (Turkish Airlines), во економска класа со вклучен багаж.
Трансфер од аеродром до сместувањето
Сместување
Sunset Kendwa 1 ноќ
МестоИстанбул-Кендва (Kendwa)
Ден 3: Факултативен излет – Разгледување на Stone Town, Bawe Snorkeling и НакупендаПретпладне одиме на факултативен излет разгледување на Stone Town и истражување на најинтересните атракции – куќата во која живеел Фреди Меркјури (Freddie Mercury), мали и живи улички и плоштади, Старата тврдина, Палатата на чудата, музеи, локални пазари, звуците, боите и мирисите на Африка! Се чувствуваме како да сме дел од National Geographic документарец, а не на одмор… Името Stone Town на свахили значи: “Стар Град”. Градот се наоѓа на листата за светско културно наследство на УНЕСКО од 2000-тата година. По Stone Town се упатуваме со бродче кон островчето Bawe. Корален остров опкружен со гребени и кристално чистиот Индиски океан. Претставува најпопуларно место за нуркање, со големи живописни корали, како и дом на многубројни шарени рипчиња. Јаготката на шлагот е Накупенда! Песочен насип од околу 2000 метри квадратни песочен рај, опколени со корален гребен и најтиркизниот Индиски океан, без ниедно ресторанче, кафана, или било што друго на нив, како на филм… Далеку сме од масовниот туризам на Европа, далеку од гужви, нема големи бродови и илјадници туристи. Го имаме целиот остров само за нас. Пиеме пиво, слушаме музика и се капеме во најубавата вода што некогаш ја имате видено. Го чекаме зајдисонцето. На враќање, патот ни го осветлува месечината, а ние уживаме во свежиот тропски ветер. Совршен ден на Занзибар! Враќање во сместувањето во Паџе.
Сместување
Sunset Kendwa 1 ноќ
Место: Кендва (Kendwa)
Услуга:
Континентален појадок × 1
Факултативни излети
Занзибар Premium – пакет излети
Ден 4: Факултативен излет – Blue Lagoon, Ресторан The Rock, Kae FunkРелаксирачки ден, создаден за потполно уживање во океанот, коктелите и локалната храна. Започнуваме со пливање во познатата Сина Лагуна (Blue Lagoon) додека се дружиме со најразлични шарени морски риби и морски ѕвезди. Потоа продолжуваме до ресторанот The Rock, кој се наоѓа на Michamwi Pinge плажата. Пристигнуваме во светски познатиот, а воедно и најпознат ресторан на Занзибар. Стара рибарска карпа, која од 2010-тата година претставува неизбежно место на кое доаѓаат сите посетители на Занзибар. Уживаме во локалната кујна, морските плодови и секако, локалното вино, кое се служи овде. Од терасата гледаме во далечината, каде се шири Индискиот океан. Чист хедонизам. По ручекот и фотографирање со карпата, продолжуваме кон еден од многуте занзибарски beach bar-ови, Kae Funk. Уживаме целото попладне во капење и пиење коктели на самиот брег. Со звуците на африканската музика, го дочекуваме зајдисонцето во Донгве (Dongwe), кое е навистина магично на Занзибарскиот брег.
Сместување:
Sunset Kendwa 1 ноќ
Место: Кендва (Kendwa)
Услуга:
Континентален појадок × 1
Факултативни излети
Занзибар Premium – пакет излети
Ден 5: Факултативен излет – Џунгла со зачини и селото ПаџеУште еден ден посветен за запознавање со природните убавини на овој неверојатен остров. Одиме во џунглата со зачини! Занзибар во светот е познат и како островот на зачините. При колонизацијата на овој остров, Арапите, познати трговци и морепловци, носеле различни зачини од различни делови на светот. Климата на Занзибар се покажала како совршена за огромен број од нив, па денес на овој магичен остров се наоѓаат неколку џунгли или градини со зачини. Ние ќе ја посетиме најголемата градина и ќе се запознаеме со многу зачини кои Занзибарците ги користат во своите домаќинства. Ќе видиме како расте и како изгледа мускатниот орев, како се одгледува и користи циметот, ванилата, ѓумбирот, куркумата и бројни други зачини. Потоа го посетуваме селото Паџе (Paje) – традиционално Африканско место, куќи од камен, училишта, фризерници, пекари и вулканизери какви не сте виделе никогаш во животот. Паџе e центарот на Источен Занзибар, со десетици клубови на плажа, ресторани, добра музика и добра храна, која на некој начин, многу луѓе ги потсетува на Тулум, Мексико. Паџе е и едно од најпознатите места во светот за кајтсурф (kite surf). Дружење, пиење коктели, неверојатна храна, сончање и уживање. Враќање во сместувањето.
Сместување:
Sunset Kendwa 1 ноќ
Место:
Кендва (Kendwa)
Услуга:
Континентален појадок × 1
Факултативни излети
Занзибар Premium – пакет излети
Ден 6: Слободен ден за уживање или можност за факултативен излет – Сафари во НП МикумиСлободно време за уживање во магијата на тропскиот остров и неговите најубави плажи! Сончање, масажи, овошје и морски плодови. Вечерни излегување во некои од beach баровите.
За оние кои се расположени за авантура, има можност за еднодневен факултативен излет – сафари во националниот парк Mikumi кој се наоѓа на копнениот дел од Танзанија (Tanzania). Mikumi е четврт по големина национален парк во Танзанија (Tanzania). Одалечен е 300 километри од Дар ес Салам (Dar es Salam). Овој национален парк е природно живеалиште на многу жирафи, зебри, слонови, гнуа, леопарди, нилски коњи, хиени, крокодили и лавови.
Сместување:
Sunset Kendwa 1 ноќ
МестоКендва (Kendwa)
Услуга:
Континентален појадок × 1
Ден 7: Факултативен излет – Blue SafariДенот ни започнува со нова авантура наречена Blue Safari. На овој факултативен и излет ги посетуваме најубавите плажи на островот и одиме на нуркање. Се возиме со традиционални едрилици кои се карактеристични за овој остров. Посетуваме песочни насипи кои исчезнуваат кога ќе си поиграат плимата и осеката.
Сместување:
Sunset Kendwa 1 ноќ
Место: Кендва (Kendwa)
Услуга:
Континентален појадок × 1
Факултативни излети
Занзибар Premium – пакет излети
Ден 8: Факултативен излет – Maasai Village и поздравување со нашиот нов омилен остров!Се будиме наутро. Појадуваме. Околку пладне, ги напуштаме собите и куферите ги оставаме на рецепција. Во зависност од расположливоста на соби во хотелот, добиваме една соба за сите патници, каде ги оставаме куферите и која можеме да ја користиме за пресоблекување/туширање во текот на денот. Исто така, според расположливоста на соби, патниците можат индивидуално да се информираат на рецепција за можноста (со доплата) да се чуваат собите до полноќ. Последниот ден имаме и факултативен излет — Maasai Village. Танзанија е земја богата со преку 120 различни племиња, секое племе со свои цели, традиции и карактеристики. Го посетуваме културниот центар на најпознатото племе во Танзанија – Масаи (Maasai) . Учиме за нивната историја, традиции и нивниот специфичен начин на животот. Дознаваме кои се тие, како стануваат воини, што јадат, каква е распределбата на работните задачи во нивните полигамни семејства, и по што го прави нивното племе уникатно. Имаме можност да влеземе во нивните автентични куќи, кои се изградени од кал, дрво и кравји измет. Интересен факт е дека нивните куќи ги градат жените, по стапување во брак. Мажите од племето не учат како рачно да запалиме оган користејќи само дрво, имаме шанса да се облечеме во нивната традиционална облека – шука, а нивните воини ќе не учат да користиме лак и стрела. Нашата посета ја завршуваме со традиционален Масаи танц, на кој можеме да се придружиме и да се чувствуваме како дел од племето! По излетот се враќаме во нашето сместување и имаме слободно време да се поздравиме со нашиот нов омилен остров. Ја впиваме енергијата на Занзибар, уживаме на некоја од тропските плажи, пиеме уште по некој Килиманџаро или Конаги и докупуваме сувенири за дома… Ова е нашиот последен ден на Занзибар. Вечерен трансфер до аеродром. На Аеродромот во Stone Town пристигнуваме околу 2 часа пред летот.
Место: Кендва (Kendwa)
Храна:
Континентален појадок × 1
Факултативни излети
Занзибар Premium – пакет излети
Ден 9: Враќање и крај на патувањетоУтрински трансфер од сместувањето до аеродром и лет од Истанбул до Скопје. Пристигнуваме во Скопје. Крај на патувањето.
Превоз:
Трансфер од сместувањето до аеродром
Авиобилет со сите такси на релација Занзибар – Истанбул (Turkish Airlines), во економска класа со вклучен багаж
Авиобилет со сите такси на релација Истанбул – Скопје (Turkish Airlines), во економска класа со вклучен багаж
Место: Кендва (Kendwa)ИстанбулСкопје
Услуга:
Континентален појадок × 1
Сите уплати се вршат исклучиво во денарска противредност по курс од 62 денари за 1 евро и тоа: при пријавување се плаќаат 200€ (12.400,00 МКД) по лице. Преостанатиот дел се плаќа најдоцна 40 дена пред поаѓање. Можност за плаќање преку трансакциска сметка (на фактура) и со платежни картички Visa, Master, Maestro.
Препорачуваме рано пријавување на патници заради ограничениот број на места. При пријавувањето потребно е да се достави скренирана прва страница од патната исправа, која е валидна за датумот на патувањето (има важност минимум 6 месеци по датумот на враќање и има доволно празни страници во текот на патувањето), во спротивно агенцијата не одговара за печатење на авио билетот со погрешни податоци.
  • Во цената  е вклучено
    Сместување
    Sunset Kendwa Пример 6 ноќи
    Превоз
    Авио билет со сите такси на релација Скопје – Истанбул (Turkish Airlines), во економска класа со вклучен багаж
    Авио билет со сите такси на релација Истанбул – Занзибар (Turkish Airlines), во економска класа со вклучен багаж.
    Трансфер од аеродром до сместувањето
    Трансфер од сместувањето до аеродром
    Авиобилет со сите такси на релација Занзибар – Истанбул (Turkish Airlines), во економска класа со вклучен багаж
    Авиобилет со сите такси на релација Истанбул – Скопје (Turkish Airlines), во економска класа со вклучен багаж
    Храна
    7 × Континентален појадок
  • Во цената не е вклучено
    Меѓународно здравствено осигурување (може да се уплати во агенцијата)
    Факултативни излети и влезници за културно-историски споменици
    Виза за Занзибар (на граница – 50 УСД)

 

tailand

Тајланд – Бангкок, Пукет и Краби
                                                                                          цена од  1.599EUR,00 сега за само   1.149EUR,00
                                                                                                              27.05.2024 (траење 12 дена)

Одиме во скапоцениот камен на Југоисточна Азија! „Земјата на насмевките“, островите, егзотичните плажи, кристални мориња, ноќен живот, будизам, магија и авантура. Вистинска ризница на интересни приказни исткаени од култура и филозофија, неверојатни пејсажи и прекрасни плажи.

Нашата авантурата нè носи во највозбудливата престолнини на светот – Бангкок (Bangkok) — градот кој никогаш не спие, па ја продолжуваме со забава и уживање на плажа на двете најегзотични места на светот – Пукет (Phuket) и Краби (Krabi)!

Тајланд (Thailand) со причина е една од најпопуларните дестинации во светот за патување и „патување кое не треба да го пропуштите во текот на животот“!
Тајланд е земја на контрасти, земја без граници.. Земја на бои каде дури и ветерот дува во посебна нијанса. Добредојдовте во царството на зачинета, вкусна и неодоливо мирисна храна. Земја со најубавите плажи на светот, топли и насмеани луѓе, чии насмевки зрачат со некоја добрина, спокојство. Земја во која ноќта и денот мирисаат на живот, вистински, а на моменти и филмски :). Егзотични дождовни шуми, тиркизно сино море, урбани градови и пусти острови, племиња и модерно население…
Деновите ги поминуваме во Краби — најпознатата и најбарана туристичка дестинација во Тајланд. Се наоѓа на западниот брег на Андаманското Море, кое е дел од Индискиот Океан. Се сместуваме на плажата Ао Нанг (Ao Nang), една од најубавите плажи во Тајланд. Од оваа прекрасна долга плажа можеме да видиме безброј острови со варовнички формации обраснати со бујна вегетација која ни се чини како да лебди над тиркизното море.
Се запознаваме и со најголемиот остров на Тајланд – Пукет. Овој остров кој никогаш не спие е идеален за спектакуларен ноќен живот и забава до зори. Нашите денови се исполнети со прекрасни бели песочни плажи со тиркизно море, релаксирачки масажи и живописна природа!
Самото име на земјата зборува за нејзината уникатност – „thai“ на тајландски значи слобода!
Хедонистички рај, земјата на насмевките и вечната слобода.. Спремни за Jungle Thai Авантура?

Рута: Скопје-Софија-Доха-Пукет (Phuket)-Краби-Бангкок-Доха-Софија-Скопје

 

 План и програма

Ден 1: Состанок на патниците и поаѓањеСостанок на патниците и трансфер до Аеродромот во Софија, Бугарија. Лет од Софија со Qatar Airlines, со преседнување во Доха. Авантурата може да започне! Одиме на местото кое со причина го нарекуваат рајот на земјата!

Превоз
Трансфер од Скопје до Меѓународниот Аеродром во Софија
Индивидуален авио билет со сите такси на релација Софија – Доха (Qatar Airlines), во економска класа со вклучен багаж

Ден 2: Пристигнување на Пукет (Phuket)Преседнување на лет за Пукет (Phuket). Пристигнување во Пукет. Авантурата започнува! По пристигнувањето, трансфер до сместувањето. Пукет е најголемиот и најпознат тајландски остров. Капењето, масажите, преубавите плажи, белиот песок, тиркизното топло море, феноменалните зајдисонца и островите кои се во непосредна близина, ќе направат да се чувствувате како во рајот. Време резервирано исклучиво за уживање! Несекојдневен ноќен живот и сцени како од најлудите филмови!

Превоз
Индивидуален авио билет со сите такси на релација Доха – Пукет (Qatar Airlines), во економска класа со вклучен багаж
Сместување во R-Mar Resort and Spa – SHA Plus или Journeyhub Phuket Patong 1 ноќ
Место: Доха-Пукет (Phuket)

Ден 3: Факултативен излет – Островот Џејмс БондФакултативен излет на Џејмс Бонд островот (James Bond Island). Ова островче е дел од архипелагот на помали варовнички острови – карпи, кои се издигнуваат од морето и во кои се скриени пештери богати со сталактити и сталагмити.Сместување
R-Mar Resort and Spa – SHA Plus или Journeyhub Phuket Patong 1 ноќ
Место: Пукет (Phuket)
Услуга:
Континентален појадок × 1
Факултативни излети
James Bond островот и Нака Јаи
Ден 4: Факултативен излет – Симиланските острови (Similan Islands)Ден резервиран за уживање на чудесниот архипелаг во Андаманското Море, кој е вистински егзотичен рај! Одиме да ги посетиме Тајландските Сејшели :)! Денот е резервиран за нуркање, прекрасни пејсажи и уживање во прекрасниот поглед, капење и уживање. Дефинитивно искуство кое не смеете да го пропуштите!Сместување
R-Mar Resort and Spa – SHA Plus или Journeyhub Phuket Patong 1 ноќ
Место: Пукет (Phuket)
Услуга
Континентален појадок × 1
Факултативни излети
Similan Islands
Ден 5: Факултативен излет – Храмот на Големиот Буда и будистичкиот Храм ЧалонгДен резервиран за факултативен излет и посета на Големиот Буда и будистичкиот храм Чалонг (Wat Chalong). Одиме на лесен трекинг низ бујната вегетација каде се запознаваме со преубавата природа на овој остров. Кај Големиот Буда слушаме приказни за будизмот и културното наследство на Тајланд. Уживаме во најубавиот поглед на островот! Потоа го посетуваме будистичкиот храм Чалонг каде ќе имаме можност да видиме будистички монаси кои се заштитен знак на секој храм. Доколку имаме време може да застанеме попатно на некоја од плажите за краток одмор. По излетот имаме трансфер од Пукет до Краби. Трансфер до хотелот на плажата Ао Нанг (Ao Nang). Ao Нанг е најпознатата плажа во провинцијата Краби. Капењето, масажите, преубавите плажи, белиот песок, тиркизното и топло море, феноменалните зајдисонца и излети до околните плажи и острови, ќе направат да се чуствувате како да сте во рај. Вечерта излегуваме во некој од локалните beach барови.Превоз:
Трансфер од Пукет до Краби.
Сместување:
The Verandah – SHA Extra Plus 1 ноќ
Место: Пукет (Phuket)-Краби
Услуга:
Континентален појадок × 1
Факултативни излети
Големиот Буда и храмот Wat Chalong
Ден 6: Факултативен излет – Островот Пи Пи (Koh Phi Phi)Факултативен излет на островот Пи Пи (Koh Phi Phi) каде е сниман филмот “The Beach”. Егзотични пејсажи кои потполно ќе ве остават без здив.Сместување
The Verandah – SHA Extra Plus 1 ноќ
Место: Краби
Услуга:
Континентален појадок × 1
Факултативни излети
Островите Пи Пи (Koh Phi Phi), Maya Bay и Коh Khai
Ден 7: Факултативен излет – Островите HongПрво одиме на плажа, од каде што се качуваме на брз брод и имаме трансфер до островот Хонг. На пат кон островот Хонг, застануваме на нуркање на мал остров со прекрасни шарени корални гребени и безброј рипчиња. Потоа нашиот капетан не носи во скриена лагуна или „хонг“ (буквално преведено би значело „соба“). Уживаме во глетките на карпестите формации и чудните растенија кои живеат таму. Па застануваме во заливот Hong Island. Време е да се опуштите, да се сончате, да пливате или да нуркате и да се запознаете со илјадници рипчиња во сите бои што можете да ги замислите. Додека уживаме на една од најегзотичните плажи во Краби, нашите локални водичи ни спремаат пикник на самата плажата. Потоа имаме можност за искачување до панорамски видиковец од каде се гледа цел залив и стотици помали острови во тиркизниот океан. Враќање во сместување.Сместување
The Verandah – SHA Extra Plus 1 ноќ
Место: Краби
Услуга:
Континентален појадок × 1
Факултативни излети
Островот Hong
Ден 8: Факултативен излет – Krabi Island HoppingЦел ден ги посетуваме некои од најубавите острови и најегзотичните плажи во Краби: островите Ko Gai, Ko Poda, Ko Tub и плажата Phra Nang. Се качуваме на speed-boat и авантурата може да започне! Незаборавно искуство на острови со бујна вегетација, недопрените плажи и прекрасното тиркизно море кое ги опкружува. Дознаваме зошто островот Ко Каи е попознат како Chicken Island, се релаксираме на островот Ko Tub, го бараме Немо во кристално чистите тиркизни води на Ко Пода и на крај завршуваме на плажата Phra Nang, најпознатата плажа во Тајланд која се наоѓа на многу разгледници! Се плажираме и уживаме во пикник кој ќе ни биде послужен на еден од островите што ги посетуваме. Вечерно враќање во сместувањето. Вечерта излегуваме во некој најубавите beach барови во Краби.Сместување
The Verandah – SHA Extra Plus 1 ноќ
Место: Краби
Храна
Континентален појадок × 1
Факултативни излети
Krabi Island Hopping
Ден 9: Пристигнување во Бангкок (Bangkok) и факултативен излет – Bangkok City TourНапуштање на сместувањето и локален лет од Краби до Бангкок. Трансфер до сместувањето. Авантурата во оваа урбана џунгла може да започне! Се запознаваме со урбаната џунгла. Бангкок или „Градот на ангелите“ кој нуди сосема нова димензија на постоење, нешто сосема различно од сè што сте доживеале досега. Град налик на Њујорк, спакуван во источна филозофија, мирис на зачини и различна атмосфера.  Ја посетуваме Кралската палата, чија изградба започнала во 1782-ра година, за време на владеењето на кралот Рама I, основач на династијата Чакри, која потоа станала резиденција на кралот. Во палатата е сместен и Храмот на Емералд Буда, најголемото светилиште на Тајланд, статуа на Буда која е врежана во зелен жад. Го посетуваме Храмот на Зората (Wat Arun), Храмот на лежечкиот Буда (Wat Pho) со огромна статуа во должина од 46 метри и висина 15 метри, која го претставува преминот на Буда во Нирвана. Вечерта ја поминуваме во еден од најпознатите облакодери со поглед на бескрајните светла на Бангкок. Забава и насмевки до раните утрински часови.Превоз:
Трансфер од сместувањето до аеродром.
Индивидуален авио билет со сите такси на релација Краби/Пукет – Бангкок, во економска класа со вклучен багаж
Трансфер од аеродром до сместувањето
Сместување:
Trang Hotel Bangkok 1 ноќ
Место: Краби-Бангкок
Услуга:
Континентален појадок × 1
Факултативни излети
Bangkok City tour
Ден 10: Факултативен излет – Пловечкиот пазар и “Maeklong Train Market”Факултативен излет – Маеклонг пазарот на железничка пруга (Maeklong Train Market) и Пловечкиот пазар (Floating market). Го посетуваме Маеклонг пазарот токму на време да видиме како возот ја напушта станицата и минува точно низ средината на пазарот. Продавачите брзо ги подигаат тезгите и тргаат сè што спречува да помине возот. Потоа возот заминува, а ние разгледуваме и купуваме најразлични овошја, зеленчук, цвеќиња… Зад не толку познатото име Дамноен Садуак стои една од најпознатите атракции на Тајланд – пловечкиот пазар. Околу 100 километри југоисточно од Бангкок се наоѓа мало трговско место низ кое поминуваат канали изградени уште во XVIII-тиот век. Во духот на старите тајландски земјоделци, бродчињата се движат низ зеленкастата вода и полека се приближуваат со своите разнолики понуди. Бабички со сламени шешири со широка насмевка нудат најразлични јадења, слатки и сокови од егзотично овошје на ист начин како и пред стотици години.Сместување:
Trang Hotel Bangkok 1 ноќ
Место:Бангкок
Услуга:
Континентален појадок × 1
Факултативни излети
Пловечки пазар и Train Market
Ден 11: Напуштање на сместувањето и слободно време до поаѓањеГо напуштаме сместувањето во предпладневните часови. Последен ден на најегзотичниот остров во Тајланд. Купуваме сувенири, пиеме кафе, пиеме уште по некој Chang или Singhа, ја чуствуваме лутината на на tom yum супата, пиеме коктел на плажа и се збогуваме со земјата на насмевки. Вечерен трансфер до аеродромот во Бангкок и лет за Доха. Пристигнување во Доха и конекција на лет за Софија.Превоз:
Трансфер од сместувањето до аеродромот
Авионски билет со сите такси на релација Бангкок – Доха (Qatar Airlines), во економска класа со вклучен багаж.
Место: Бангкок-Доха
Услуга:
Континентален појадок × 1
Ден 12: Враќање и крај на патувањетоПристигнување во Доха. Преседнување на лет за Софија. Пристигнување во Софија и трансфер од Меѓународниот аеродром во Софија до Скопје. Пристигнување во Скопје. Крај на патувањето.Превоз:
Индивидуален авио билет со сите такси на релација Доха – Софија (Qatar Airlines), во економска класа со вклучен багаж
Трансфер од Меѓународниот Аеродром во Софија до Скопје.
Место: Доха-Софија-Скопје

Сите уплати се вршат исклучиво во денарска противредност по курс од 62 денари за 1 евро и тоа: при пријавување се плаќаат 200€ (12.400,00 МКД) по лице. Преостанатиот дел се плаќа најдоцна 40 дена пред поаѓање. Можност за плаќање преку трансакциска сметка (на фактура) и со платежни картички Visa, Master, Maestro.

Препорачуваме рано пријавување на патници заради ограничениот број на места. При пријавувањето потребно е да се достави скренирана прва страница од патната исправа, која е валидна за датумот на патувањето (има важност минимум 6 месеци по датумот на враќање и има доволно празни страници во текот на патувањето), во спротивно агенцијата не одговара за печатење на авио билетот со погрешни податоци.

  • Во цената е  е вклучено:
    Сместување
    R-Mar Resort and Spa – SHA Plus Пример или Journeyhub Phuket Patong Пример 3 ноќи
    The Verandah – SHA Extra Plus Пример 4 ноќи
    Trang Hotel Bangkok Пример 2 ноќи
    Превоз
    Трансфер од Скопје до Меѓународниот Аеродром во Софија
    Индивидуален авио билет со сите такси на релација Софија – Доха (Qatar Airlines), во економска класа со вклучен багаж
    Индивидуален авио билет со сите такси на релација Доха – Пукет (Qatar Airlines), во економска класа со вклучен багаж
    Трансфер од Пукет до Краби.
    Трансфер од сместувањето до аеродром.
    Индивидуален авио билет со сите такси на релација Краби/Пукет – Бангкок, во економска класа со вклучен багаж
    Трансфер од аеродром до сместувањето
    Трансфер од сместувањето до аеродромот
    Авионски билет со сите такси на релација Бангкок – Доха (Qatar Airlines), во економска класа со вклучен багаж.
    Индивидуален авио билет со сите такси на релација Доха – Софија (Qatar Airlines), во економска класа со вклучен багаж
    Трансфер од Меѓународниот Аеродром во Софија до Скопје.
    Храна
    9 × Континентален појадок
  • Во цената не е вклучено
    Меѓународно здравствено осигурување (може да се уплати во агенцијата)
    Виза за Тајланд и услуга за визирање
pura ulun danu bratan temple in Bali, Indonesia.

Бали нуди богатство на искуства, прекрасни плажи со кристално чиста вода, бујни оризови полиња и разни културни традиции. Посетителите можат да истражуваат древни храмови, да уживаат на песочните плажи, или да се шетаат низ уличките на Убуд. Балиското кулинарско мени ги заситува чувствата со својата комбинација на зачини и свежи состојки, додека разните прошетки обезбедуваат бројни можности за авантура и опуштање во впечатливата природна убавина. Бали нуди незаборавно патување за патниците од сите видови.

Детали за лет:
TK1006 18 MAY SKP-IST 20:20  22:55       // TK066     19 MAY IST-DPS 01:55  19:15
TK067   26 MAY DPS-IST 21:20  05:00+1  // TK1003   27 MAY IST-SKP  07:25  07:50
5 ноќевања во хотел Grand Mercure 5* Семињак

2 ноќевања во хотел Dwarka The Royal Villas 4* во Убуд

18.05.2024 – Состанок на групата 3 часа пред лет на аеродромот во Скопје и полетување за Истанбул во 20:20. Пристигнување во Истанбул 22:55. Пауза до летот за Бали.

19.05.2024 – Лет за Бали во 01:55 и пристигнување во 19:15 локално време. Трансфер и check-in  во хотел во Семињак.

20.05.2024 – 23.05.2024 – Појадок во хотелот. Слободно време за уживање.

24.05.2024 – По појадокот Check out и трансфер до хотелот во Убуд, со попатни екскурзии.
UBUD SWING TOUR (полудневна тура)

Посета на:

Alas Harum – место каде што Цивет мачката го произведува најскапото кафе во светот. Тука се наоѓа и најпознатата лулашка над оризови полиња. Ќе имате можност да се прошетате низ оризовите полиња, да се напиете од Luwak кафето, и да уживате во прекрасните пејсажи.

Monkey Forest – едно од најголемите засолништа на мајмуни во Убуд, прошетка низ паркот, интеракција со мајмуните кои се научени да прават селфи со посетителите.

Tirta Empul Water Temple – храм кој е познат по својата света изворска вода, и во        којшто луѓето одат на ритуално прочистување наречено Мелукат.

25.05.2024 – Појадок.

26.05.2024 – По појадокот Check-out од хотел и слободно време до трансфер до аеродром. Полетување во 21:25ч. Локално време

27.05.2024 – Пристигнување во Истанбул во 05:40 и лет за Скопје во 08:25. Пристигнување во Скопје во 07:55.

Цена на аранжманот: 1.690 еур (ПЛАЌАЊЕ ВО ДЕНАРИ ПО КУРС 62 ДЕН. ЗА ЕВРО))

Во цената е вклучено:

Авионски билет на релација Скопје-Истанбул-Денпасар-Истанбул-Скопје со Turkish Airlines сo вклучен багаж, согласно саатници на програма;
Аеродромски такси;
5 ноќи во Семињак во наведениот хотел или сличен и 2 ноќи во Убуд во наведен тип на соба / наведена услуга НОЌЕВАЊЕ СО ПОЈАДОК
Трансфер Aеродром – Хотел – Аеродром / трансфер хотел Семињак – хотел Убуд
Факултативни тури опишани во програмата
Реализација и асистенција

Цената не вклучува:

Туристичка виза за Бали 130€
Храна, пијалоци и услуги што не се споменати во програмата;
Други индивидуални трошоци
Патничко осигурување
Сѐ што не е наведено во ЦЕНАТА Е ВКЛУЧЕНО.

Услови:
При резервација се плаќа депозит од 50%, а целосна уплата се прави 15 дена пред поаѓање.
Рок на потврда на понуда и резервација е 24 часа по уплата на аконтација
Туроператорот го задржува правото да го менува редоследот на реализација на програмата.
Задолжително патничко осигурување

Цената е дадена во евра и пресметана во денари,1 евро = 62 денари

Цената е валидна до пополнување на места на дадена тарифа од авио компанија и промотивни цени на ограничен број соби во наведен хотел и истата е подложна на промени се до момент на резервација (пред резервација проверете ја цената).

Составен дел од оваа програма се Општите услови на патување на организаторот на патувањето.

 

Седиште
Дозволете долгогодишното искуство на нашиот тим да ви помогне.
https://www.metropoliten.com.mk/wp-content/uploads/2019/04/img-footer-map.png
ОСТАНЕТЕ ВО КОНТАКТМетрополитен на социјални мрежи
Бидете во тек со сите актуелни понуди
AVANTAGEHeadquarters
Organically grow the holistic world view of disruptive innovation via empowerment.
OUR LOCATIONSWhere to find us
https://www.metropoliten.com.mk/wp-content/uploads/2019/04/img-footer-map.png
GET IN TOUCHAvantage Social links
Taking seamless key performance indicators offline to maximise the long tail.

Copyright by Метрополитен Травел ДОО. All rights reserved. Developed by Kikilix.(https://kikilix.com)

Copyright by Метрополитен Травел ДОО. All rights reserved. Developed by Kikilix.(https://kikilix.com)