23.ОКТОМВРИ ВО ДРЕВНА МЕСОПОТАМИЈА

Комбинирана програма со лет од Скопје

(23.10.2026 – 29.10.2026)

ШАНЛИУРФА-ХАРАН-МАРДИН-МИДИЈАТ-ДИЈАРБАКИР-НЕМРУТ-ХАЛФЕТИ-ГАЗИАНТЕП

Тајните на Месопотамија, лулка на западната цивилизација, една од најзначајните области во историјата на човештвото. Тоа е Земјата меѓу двете реки – Еуфрат и Тигрис на подрачјето на југоисточна Азија, првата област на планетата на која биле формирани градови и писменост: Мардин, престолнина на истоимената провинција прочуен по својата архитектура и ѕидините на стариот град кои датираат од единаесетиот век; Газиантеп, шести по големина град во Турција, центар на турската гастрономија, град со најголемиот музеј-мозаик на светот… Ова е прошетка во минатото во земјата во која луѓето верувале дека вонземјани дошле и им ги дале првите кралеви за подоцна свештениците да бидат помоќни од нив… Ова е приказна која мириса на цимет,ф`стаци, бадеми и урми!

Прв ден: 23.10.2026 (петок)– Скопје-Истанбул-Шанлиурфа

06.30 часот. Состанок на групата на аеродромот во Скопје. Полетување кон Истанбул во 08.45 часот, слетување во 11.20 часот по локално време. Летот за Шанлиурфа е во 12.50 часот, слетување во 14.40 часот. Организиран трансфер со автобус од аеродромот кон Шанлиурфа, библискиот град на пророкот Аврам и на царот Нимруд кој го претскажал неговото раѓање. По пристигнувањето сместување на групата во хотелот „Haraan“ 4**** (https://www.hotelharran.com.tr/) кој се наоѓа во централното градско подрачје. Краток одмор од патувањето а потоа заминуваме на организиран разглед на еден од најважните поклонички градови на Блискиот Исток. Градот уште го нарекуваат и „Градот на пророкот“ најмногу поради христијанското и муслиманското наследство; и Библијата и Куранот пишуваат дека тука е родното место на пророкот Аврам (Абрахам). Градот е стар илјада години, населен со племиња и кралства уште 9000 години пред раѓањето на Христос и ја носи славата дека е првиот град што го прифатил христијанството само неколку години по распнувањето на Исус. Една муслиманска легенда раскажува за кралот Нимрод, кој преку пророштво дознал дека ќе се роди момче по име Аврам. Според легендата, Аврам ќе ги надмине кралевите и боговите, па Нимрод успеал да го фати и да го фрли во специјално подготвена клада за да го уништи. Но, Божјо чудо ги претворило пламените во вода, а жешкиот јаглен во крап (рибите во езерото Халил-ур Рахман се сметаат за свети, почитувани од луѓето и не смеат да се јадат ). Рибното езеро или Баликали Ѓол е местото каде ќе се потопиме во древната приказна за чудесното преживување на пророкот. Ќе го посетиме и комплексот Халил-Јур Рахман, кој се наоѓа во југозападниот агол на езерото а се состои од џамија, теолошко училиште, гробишта и местото каде паднал Авраам кога бил фрлен во оган. Слободно време за индивидуални прошетки. Враќање во хотелот. Ноќевање

Втор ден: 24.10.2026 (сабота)– Шанлиурфа- Гобекли Тепе-Харан-Мардин

Појадок. Се одјавуваме од хотелот и заминуваме кон Мардин, еден од ретките градови во светот кој целосно е под заштита на УНЕСКО, но попатно ќе разгледаме многу локалитети кои во себе кријат богата историја, културни наследства и единствена архитектура. Започнуваме со Гобекли Тепе, археолошко наоѓалиште чии остатоци датираат од пред околу 11.000 години што го прави еден од најстарите познати монументални комплекси во светот заштитени од УНЕСКО. Се состои од неколку камени кругови и правоаголни платформи изградени од големи монолитни камени столбови што претставува мистерија за археолозите и истражувачите кои остануваат импресионирани од сложеноста на комплексот што се појавил илјадници години пред историјата да ја познава монументалната архитектура.  Се смета дека е ископан само мал дел, околу пет проценти кои од 2000-та година се отворени за јавноста. Потоа продолжуваме кон блиското село Харан, изградено на остатоците на 5000 години стариот моќен град Харан. Според Библијата, тоа е местото каде Аврам поминал дел од својот живот пред да го прими божјиот благослов и да се упати кон ветената земја. Она што е најкарактеристично за Харан се неговите традиционални, кружни конусни куќи со куполи кои во последните 3000 години се градени со глина и кал, одлично изолирани за време на летото и зимата заради различните временски температури. Слободно време за фотографирање и за кафе. Од таму се упатуваме кон Мардин, градот кој е познат по својата стратешка локација на патот кон свилата во Горна Месопотамија, привлекувајќи ги трговците од цела Анадолија и Блискиот Исток. Сместување на групата во хотелот „Raymar Hotel“ 5***** (https://raymarhotels.com.tr/mardin/en/ ) лоциран во новиот дел од градот. Краток одмор а потоа ја започнуваме нашата прошетка низ стариот град што во суштина е прошетка низ Музеј на отворено кој ги воодушевува посетителите со своите кривулести патеки, камени куќи и бескрајниот хоризонт. Мардин има уште нешто посебно-тоа е милениумскиот дом на Сиријците, милионска дијаспора, од која 5.000 жители сеуште живеат во Мардин, нарекувајќи се себеси „први христијани“ откако ја прифатиле христијанската вера во средината на првиот век. Нивниот јазик е семитски, близок до арамејскиот јазик на Исус, а благодарение на нивниот мирен соживот со муслиманите, градот и неговата околина изобилуваат со цркви и манастири. Слободно време за индивидуални прошетки низ градот кој цвета со пазари и гостилници кои нè мамат со вкусни зачини, топли оброци, ориентален накит, извонредни бакарни садови, природен сапун и украсни шалови. Враќање во хотелот. Ноќевање.

Трет ден: 25.10.2026 (недела)- Мардин-Манастир Deyrulzafaran– Антички град Dara-Манастир Mor Gabriel-Мидијат-Мардин

Појадок. Денеска ќе се вратиме илјадници години назад низ историјата и низ некогашна Месопотамија. Започнуваме од манастирот Deyrulzafaran, еден од двата најважни сириски православни манастири на светот. Според една приказна манастирот го добил името по цветовите на шафранот кој ѕидарите при изградбата го измешале во малтерот, а според друга верзија, името доаѓа од бојата на каменот од кој е изграден и потсетува на толчникот од цветот. Основан е во петтиот век на местото каде некогаш се наоѓал храм посветен на асирскиот бог на Месецот. Во текот на историјата манастирот бил претворен во тврдина и бил на два пати срушен се` до 793-та година кога бил реновиран и денес е седиште на Сириската Православна Црква. Продолжуваме кон археолошкиот локалитет Dara, еден од најпознатите древни градови во Месопотамија кој уште го нарекуваат и мала Кападокија. Ќе ги видиме остатоците од аквадуктот, црквата, палати и простории кои во римскиот период служеле за складирање на вода и храна. Прошетката низ историјата ја продолжуваме кон еден од најстарите христијански манастири на светот – Mor Gabriel, основан 397-ма година од новата ера од Мор Шемун (Симеон), аскетски свештеник и неговиот ученик Мор Гаврил. Низ вековите, манастирот станал еден од најважните духовни и образовни центри на Сириската Православна Црква, служел како седиште на епископи и патријарси и бил дом на голем број монаси. Манастирските згради се изградени од локален камен и се познати по своите прекрасни камени резби кои вклучуваат сложени геометриски и цветни мотиви. Овие резби ја одразуваат вештината и креативноста на средновековните занаетчии. Манастирот привлекува аџии од целиот свет кои доаѓаат да се молат, да присуствуваат на религиозни церемонии и да бараат благослов. Уште една убавина ни претстои за денешниот ден- стариот асирски град Мидијат кој низ своите тесни улички послани со калдрма и чипкастите декорации на куќите ќе не` врати во одамна заборавените времиња. Во минатото гратчето било населено само со Асирци кои го негувале христијанството преку корените кои потекнувале од стара Месопотамија. Денес тука живеат само мал број Асирци кои успеале да сочуваат девет цркви и еден манастир. Слободно време за прошетка низ ова симпатично гратче. Во договореното време враќање назад во хотелот во Мардин. Ноќевање.

Четврти ден: 26.10.2026 (понеделник)- Мардин-Дијарбакир-Немрут

Појадок. Се одјавуваме од хотелот и нашето патување го продолжуваме во друга насока- кон Дијарбакир, градот сместен на бреговите на реката Тигрис во југоисточна Анадолија. Неговото старо име е Амида-антички град, кој претходел на римската колонизација во 3-от век од новата ера, проширен и утврден од римскиот император Константин II. Поради својата географска положба, овој град бил домаќин на бројни цивилизации низ историјата; некои велат дека тука владееле дури 33 цивилизации. Нивните траги сеуште можат да се најдат низ градските улици, сокаци, цркви, мостови… До ден денес, голем дел од тврдинските ѕидини од црн базалт што го опкружувале градот се зачувани, а некои од неговите најубави детали се дело на православните жители во 11 век. Ѕидовите се долги 5,5 километри изградени во два реда, имаат 4 главни порти, а по Кинескиот ѕид, ова се најдолгите зачувани ѕидини во светот… Потоа ќе пропешачиме низ тесните улички поплочени со вулкански камен, меѓу ароми на зачини и разновидни продавници што нудат производи изработени од различни занаетчии. Тука се наоѓа и една од најстарите џамии во цела Турција, Улу Џами или Големата џамија во Дијарбакир: изградена од црн базалт и бел варовник. Се смета за петтото најсвето место за муслиманите, веднаш по Големата џамија во Дамаск. Потоа продолжуваме да ја следиме картата на светското наследство на УНЕСКО и заминуваме кон планината Немрут. Планината Немрут, или Немрут Даги, е планина во југоисточна Турција, позната по своето археолошко значење и монументални скулптури. Замислете мистериозна гробница со глави од камени статуи расфрлани околу неа… Оваа гробница, која претставува мермерна пирамида од 50 метри, ја изградил Антиох I – најзначајниот владетел на Кралството Комагена, потомок на самиот Александар Македонски. Почитуван како самиот Бог, Антиох решил да ја овековечи својата личност со изградба на својот гроб, кој бил и светилиште на античките грчки и персиски богови. Планината се наоѓа во близина на градот Адијаман, на надморска висина од околу 2.150 метри, и е дел од Националниот Парк Немрут Даги. На врвот на планината има огромни камени скулптури на богови, митски суштества и самиот крал Антиох, кои се дел од неговиот мавзолеј. Овие скулптури кои претставуваат синтеза на персиски и грчки стилови, првично биле дел од поголема структура, но денес се делумно оштетени, а многу од статуите имаат одвоени глави што лежат на земја. Без разлика дали поради земјотреси или поради други причини, главите на статуите биле одвоени од нивните тела и создале уште поголема мистерија околу историјата на ова вешто архитектонско творештво. Под гробницата се скриени некои од најдолгите натписи на старогрчки јазик, пронајдени се слики од точната локација на небесните тела кои го откриваат времето на изградбата, се читаат скриени пораки и нејасни клетви. Набљудувањето на изгрејсонцето или зајдисонцето од врвот на Немрут е една од најпознатите туристички атракции бидејќи светлината спектакуларно ги осветлува статуите и создава уникатно визуелно искуство. Се вели дека при изгрејсонце или зајдисонце сјајот на гробницата оживува, се искапува во сјајот на сончевите зраци и засекогаш ја запечатува разбудената величина на еден антички град, во едно античко кралство, полно со мистерија, генерирајќи го постојаниот интерес на археолозите. Немрут Даги е внесен во листата на светско културно наследство на УНЕСКО во 1987-та година, поради неговата историска и културна вредност. По ова неверојатно доживување се упатуваме кон нашиот хотел кој е уште поуникатен „Nemrut Euphrates Hotel“ 3*** (https://www.nemruteuphrathotel.com/ ). Сместување на групата во хотелот што се наоѓа во границите на Националниот парк Немрут со својата единствена локација и прекрасна атмосфера во центарот на историското кралство Комагена. Вечера. Ноќевање.

Петти ден: 27.10.2026 (вторник)- Немрут-Халфети-Газиантеп

Појадок. Се одјавуваме од хотелот и го продолжуваме нашето патување кон едно од најнеобичните места во Турција- градот Халфети изграден во 9. Век прек Христос од асирскиот крал Еуфрат. Во 1999-та година на реката Еуфрат на која лежи градот изградена е брана и притоа се расселени околу 6000 луѓе во околните села, а селото е целосно потопено па подоцна одново изградено. Денес градот е поделен на два дела- стар и нов град. Новиот град во кој се преселиле жителите се наоѓа на околу 15 километри оддалеченост, а стариот град Халфети останал под вода. Токму тука ќе запловиме со чамци по реката Еуфрат и ќе имаме можност  под водата да ги видиме потопените куќи од камен, минарето од џамијата, остатоци од стариот замок и други историски споменици. По оваа необична глетка, слободно време за прошетки низ градот кој е познат по уште нешто – Халфети е единственото место на светот каде растат посебен вид црни ружи познати како „Арапката која плаче“. Ружите цветаат на пролет и есен, а во текот на летото имаат интензивна црна боја. Подоцна се упатуваме кон нашето последно место од ова неверојатно патување – Газиантеп, градот кој e сместен на историскиот „Пат на свилата“ и низ вековите бил важен центар на културата и трговијата во таканаречената Горна Месопотамија. Градот пие од благословените води на реката Еуфрат и ќе не` пречека со непрегледните плантажи ф`стаци. Сместување на групата во хотелот „Kule Hotel&Spa“ 4**** (https://www.kulehotelgaziantep.com/en). Слободно време за индивидуални активности. Ноќевање.

Шести ден: 28.10.2026 (среда)-Газиантеп

Појадок. Денеска ќе уживаме во Газиантеп-турската престолнина на баклавата, градот кој во 2015-та година УНЕСКО го ставил на листата на креативни градови во светот кога станува збор за гастрономијата. Најпрво се упатуваме кон Zeugma, еден од најимпресивните музеи во светот со вредна колекција на римски мозаици. Покриениот дел од Музејот зазема површина од близу 30 илјади квадратни метри и во себе чува неверојатни мозаици од античкиот град Zeugma. Најолемата атракција е најпознатиот мозаик на кој е прикажан лик на девојка која со волшебните очи го следи секој посетител. Потоа продолжуваме низ старите улици на градот за да стигнеме до Grand Bazar, еден од петте најголеми базари во Турција. Тука сигурно нема да останете гладни: во градот се подготвуваат повеќе од 400 различни јадења од кои 300 се официјално регистрирани; на околу 200 места можете да пробате најразлични видови на баклави со сите можни вкусови од кои приматот е даден на ф`стакот… Слободно време за индивидуални прошетки. Враќање во хотелот. Ноќевање.

Седми ден: 29.10.2026 (четврток)-Газиантеп-Истанбул-Скопје

Појадок. Во договореното време се одјавуваме од хотелот и се упатуваме кон аеродромот. Полетувањето од Газиантеп е во 15.50 часот по локално време, пристигнување во Истанбул во 17.50 часот. Летот за Скопје е во 20.30 часот, пристигнување во Скопје во 19.55 часот по локално време.

Промотивна цена за уплата до 15.07.2026……. 999 евра(61.940 денари)

ЦЕНА НА АРАНЖМАНОТ………1099 евра (68.140 денари)

(плаќање во денарска противвредност)

Во цената на аранжманот се вклучени следните услуги:

• Авионски билет Скопје – Шанлиурфа- Газиантеп-Скопје со вклучени аеродромски такси

• Рачен багаж до 8 кг. и чекиран багаж до 20 кг. по лице

• Сите трансфери со локален автобус вклучени во програмата

• 1 ноќевање со појадок во хотел со 4* во Шанлиурфа

• 2 ноќевања со појадок во хотел со 5* во Мардин

• 1 ноќевање со појадок и вечера во хотел со 3* во Немрут 

• 2 ноќевања со појадок во хотел со 4* во Газиантеп

• Влезница во археолошкиот локалитет Гобекли Тепе

• Влезница во манастирот Deyrulzafaran 

• Влезница во манастиротMor Gabriel

• Локален превоз кон планината Немрут со вклучена влезница во Националниот Парк

• Возење со чамец по реката Еуфрат

• Влезница во Музејот Zeugma

• Лиценциран локален туристички водич за време на целото патување

• Лиценциран туристички придружник

Во цената не се вклучени следните услуги:

Доплата за еднокреветна соба – 290 евра

Бакшиш за локалниот водич

Патничко осигурување

Напомена: За потврда на резервација е неопходна задолжителна уплата од 300 евра (18.600 денари) најдоцна до 15. Јули 2026 година. Целосна доплата на аранжманот до 21. Септември 2026. Секоја  резервација без уплата е валидна само 48 часа.

Напомена: За реализација на аранжманот потребни се минимум 35 патници

Кападокија – Магија и мистика / Велигден АВИОН

ТОСКАНА

Фиренца – Сиена – Сан Џимињано – Пиза – Болоња

Авион  / 4 дена / 3 ноќевања

09.10 (петок) СКОПЈЕ – БОЛОЊА – ФИРЕНЦА

Состанок  на група на аеродромот во Скопје во 17.00 часот. Авионот за Болоња на Визер полетува во 19.05 часот. Слетување во Болоња во 20.55 часот. Трансфер до Фиренца и сместување во хотел. Ноќевање.

10.10 (сабота) ФИРЕНЦА – ПИЗА

Појадок. Разглед на градот со водич: плоштадот Санта Марија Новела, Базиликата Сан Лоренцо, дворецот Медичи-Рикарди, Катедралата Дуомо – вистинско ремек дело на ренесансната архитектура и главна туристичка атракција на Тоскана, Плоштадот Сињорија, палатата Пити, Понте Векио најстариот сочуван средновековен мост на реката Арно-покриен и распослан со златарници и продавници за сувенири… Слободно време за посета на Галеријата Уфици, една од најголемите и најстарите во светот, која содржи голем број бесценети ликовни дела од ренесансата и други периоди, посета на трговскиот центар Mercato Centrale или пак да седнете на ручек во ресторан на некој плоштад, да пробате традиционален Фирентонски стек и да се засладите со десертно вино во кое ќе натопувате cantuccini- класични тоскански колачи со бадеми.

Факултативен излет до Пиза, дом на познатиот математичар и физичар Галилео Галилеј. Најголемата атракција во Пиза е секако полето на чудата каде се наоѓаат: катедралата (Cattedrale di Pisa), гробиштата на Светците (Campo Santo) и кривата кула од Пиза (Torre di Pisa) висока 56 метри – всушност камбанаријата на катедралата, која иако било планирано да стои вертикално, поради лошите темели и слабата почва, се накривила. Со својата светски прочуена накривеност, кулата привлекува стотици илјади туристи годишно. Ноќевање.

11.10 (недела) ФИРЕНЦА–СИЕНА-САН ЏИМИЊАНО– ВИНАРИЈА

Појадок. Целодневен излет во живописните предели на областа Кјанти, светски познати по производството на врвни вина. Пристигнување во Сиена. Главна карактеристика на градот е нејзиниот средновековен изглед, што ја прави магична и посебна, горд сопственик на еден од најубавите европски средновековни плоштади  Ил Кампо, направен во облик на школка, а опкружен со палати на богати семејства од Сиена (palazzi signorili). Во целиот свет познат по својата уникатна архитектура и традиција за најголемата забава со луди коњски трки Палио, која се одржува два пати годишно. Разглед на градот: Катедралата Сиена, Палатата Публико, кулата Мангија…  Патувањето продолжува кон Сан Џимињано, типично тосканско гратче опкружено со винови насади и маслинови градини. Градот е познат и по белото вино Vernaccia di San Gimignano, кое се добива само од винови лози кои растат во околината и најдобриот сладолед во светот што можете да го најдете во Gelateria Dondoli. Потоа, посета на винарија – дегустација на вина, закуски и можност да се купи маслиново масло и вино по пристапна цена. Враќање во Фиренца. Ноќевање.

12.10 (понеделник) ФИРЕНЦА  –БОЛОЊА – СКОПЈЕ

Појадок. Прошетка во главниот град и срцето на регионот Тоскана – Фиренца, еден од најпосетените градови во светот кој за италијаните, но и за целиот западен свет има огромно историско, културно, образовно и уметничко значење. Овој град се смета и за колевка на ренесансата, во него живееле и создавале многу уметници од XV и XVI век:  Брунолески, Ботичели, Рафаел, Леонардо, Микеланџело…

Трансфер до Болоња. Во Италија се вели дека Болоња е „la dotta, la rossa e la grassa“, што би значело „црвена, учена и дебела“. “Црвена“ поради бојата на циглите на зградите и улиците, “учена“ односно образована, во чест на нејзиниот универзитет прв во Европа и “дебела“ поради неодоливите гастрономски производи. Прошетка во градот: плоштадот Маџоре, Катедралата Св. Петар најпознатата и најграндиозна црква во Болоња, фонтаната на Нептун, двете кули Garisenda и Asinelli кои претставуваат симбол на градот…

Трансфер до аеродромот во Болоња. Летот кон Скопје е во 21.35 часот. Пристигнување во 23.20 часот.

Последни 5 места!

Arcadia GuestHouse 579 € / 35.900 мкд

ЦЕНА НА АРАНЖМАНОТ:

Arcadia GuestHouse 629 € / 39.000 мкд

Хотел Arcadia 3* 669 € / 41.480 мкд

ВО ЦЕНАТА НА АРАНЖМАНОТ Е ВКЛУЧЕНО:

-Авионски превоз на релација Скопје-Болоња-Скопје

-Организиран трансфер аеродром-хотел-аеродром

-Сместување во хотел Arcadia 3* и Arcadia GuestHouse во центарот на Фиренца на база 3 ноќевања со појадок.

Хотелските соби и GuestHouse собите се во истиот објект но на различен кат и го користат истиот ресторан за појадок. GuestHouse собите се поедноставно опремени. www.hotelarcadiaflorence.com

-Рачен багаж (1 торба до 10 кг. со димензии 40х30х20см)

-Посета на Болоња

-Организација на аранжманот и придружник на патувањето

ВО ЦЕНАТА НА АРАНЖМАНОТ НЕ Е ВКЛУЧЕНО:

-Доплата за чекиран багаж – куфер до 10кг  / чекиран багаж – куфер до 20кг

*( цената е променлива, инфо во агенција 7 дена пред терминот на поаѓање)

–Посета на Сиена, Сан Џимињано, винарија  “Fattoria Poggio Alloro” (дегустација на 4 сортни вина во комбинација со италијанско мезе) 110 евра

-Разглед на Фиренца со локален водич 20 евра

-Посета на Пиза 45 евра

-Туристичка такса (се плаќа на рецепција во хотел)

-Влезници во локалитетите, карти за локален превоз

-Патничко – здравствено осигурување

-Доплата за еднокреветна соба 6.720 мкд (GuestHouse)

Напомена:

Цените се по лице за сместување во двокреветни или трокреветни соби. Дете од 2 до 4 год. плаќа 400 евра. Дете над 4 год. плаќа полна сума и добива легло.

За реализација на аранжманот потребен е минимум од 20 патници. За резервација задолжителна уплата на аванс од 30% од вкупниот износ на аранжманот. Целосна доплата на аражманот е 10 дена пред поаѓање. Усни и телефонски резервации се невалидни. Плаќањето е исклучиво во денарска против вредност по курс 1 евро = 62,00 денари.

За реализација на факултативните излети потребен е минимум од 15 патници. При резервација задолжително е изјаснување/пријавување кои од понудените факултативи ќе ги користи патникот како би можела агенцијата навремено да ги организира истите.

Агенцијата го задржува правото на промена на редоследот на програмата во случај на непредвидени објективни причини, како на пример застој на граница, доцнење на летот, застој во сообраќајот, затвореност на некој од локалитети предвидени за посета …

Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.

Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата.

Патникот има обврска пред поаѓање 24 часа да ја контактира агенцијата за потврда на точното време и место на поаѓање.

Патната исправа треба да е валидна минимум 3 месеци по завршувањето на аранжманот. Валидноста на патните исправи се обврска на патниците, при уплата на резервација должни се истите да ги приложат во агенцијата за проверка.

БАРИ

4 Дена / 3 ноќевања / Авион

На брегот на Јадранското Море, под топлото јужно сонце, нè пречекува Бари – град со медитерански ритам и вистинска италијанска атмосфера. Мирисот на море, тесните камени улички и живите плоштади создаваат чувство дека времето овде тече побавнo. Совршен вовед во магијата на регионот Апулија и идеална почетна точка за едно незаборавно патување.

10 Окт (Сабота) Скопје – Бари
Состанок на аеродромот во Скопје во 19:45 часот. Полетување кон Бари во 21:55, и пристигнуваме во 23:05. Трансфер до хотелот. Ноќевање.

11 Окт (Недела) Бари – Алберобело – Матера
Појадок. Факултативен излет до Алберобело, градот познат по уникатните куќи „Trulli“ со конусни кровови, изграден од неправилни камења без малтер. Уличките создаваат магична атмосфера, како да сте влегле во цртан филм, а целиот град е под заштита на УНЕСКО.  Во попладневните часови заминуваме кон Матера – град кој остава без здив со својата специфична архитектура. Изграден меѓу карпести падини, со куќи врежани во камен, овој град создава впечаток на природна сценографија. Враќање во Бари во вечерните часови. Ноќевање.

12 Окт (Понеделник)  Бари – Лече
Појадок. Факултативен излет до Лече, познат како “Фиренца на југот“ поради богатата барокна архитектура и уметничко наследство. Градот е познат по топлиот медено-златен камен од кој се изградени црквите и палатите, што му дава посебен сјај. Ќе прошетаме низ неговиот прекрасен стар град, каде што барокната архитектура и топлиот златен камен од кој се изградени зградите му даваат посебна атмосфера. Ќе застанеме кај една од најимпресивните барокни цркви во Италија – Basilica di Santa Croce, позната по својата богато украсена фасада со многу детали и скулптури. Потоа ќе продолжиме кон еден од најубавите плоштади во градот, Piazza del Duomo, каде што се наоѓа катедралата и неколку значајни историски објекти. Трансфер до Бари.  Ноќевање.

13 Окт (Вторник) Бари – Скопје
Појадок. Разглед на Бари. Денот го започнуваме со прошетка низ шармантните улички на Бари, град кој зрачи со автентичен јужњачки дух и морска свежина. Во стариот дел, Бари Векија, тесните камени сокачиња кријат мали плоштади, локални продавници и традиционални куќи каде сè уште се чувствува вистинската апулијска атмосфера. Ќе ја посетиме базиликата Св. Никола, едно од најзначајните духовни и културни обележја на градот, како и катедралата која сведочи за богатото историско наследство на регионот. Прошетката продолжува кон модерниот дел на градот, со елегантни булевари, познатиот театар Петруцели и долгата морска променада, идеално место за уживање во погледот кон Јадранското Море. Полетуваме за Скопје во 22:40 и пристигнуваме во 23:50 часот.

попуст за ранa уплатa до :    479 €  / 29.700 мкд

ЦЕНА НА АРАНЖМАНОТ:  559 €  / 34.660 мкд

ВО ЦЕНАТА НА АРАНЖМАНОТ Е ВКЛУЧЕНО:

Авионски превоз: Скопје – Бари – Скопје, со Визер

Кабинска тоба со димензии 40х30х20 до 10кг

Трансфер аеродром – хотел – аеродром

Сместување во хотел EXCELSIOR BARI 4*, три ноќевања, со појадок.

Организиран пешачки разглед на Бари.

Организација на аранжманот и придружник на патувањето

ВО ЦЕНАТА НА АРАНЖМАНОТ НЕ Е ВКЛУЧЕНО:

·         Факултативен излет Матера и Алберобело со водич и трансфер – 95€

·         Факултативен излет Лече со водич и трансфер – 110€

·         ПАКЕТ ФАКУЛТАТИВИ(Матера, Алберобело и Лече) – 185€

Туристичка такса 1.650 мкд (се плаќа во агенција)

Доплата за чекиран багаж – куфер до 10кг  / чекиран багаж – куфер до 20кг

*( цената е променлива, инфо во агенција 7 дена пред поаѓање)

Карти за локален превоз (метро)

Патничко – здравствено осигурување

Доплата за еднокреветна соба 11.470 денари

Напомена:

Цените се по лице за сместување во двокреветни или трокреветни соби.

За реализација на аранжманот потребен е минимум од 15 патници.

За резервација задолжителна уплата на аванс од 30% од вкупниот износ на аранжманот.

Целосна доплата на аражманот е 10 дена пред поаѓање. Усни и телефонски резервации се невалидни.

Плаќањето е исклучиво во денарска против вредност по курс 1 евро = 62,00 денари.

Агенцијата го задржува правото на промена на редоследот на програмата во случај на непредвидени објективни причини, како на пример застој на граница, доцнење на летот, застој во сообраќајот, затвореност на некој од локалитети предвидени за посета …

Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.

Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата за ова патување.

Патната исправа треба да е валидна минимум 3 месеци по завршувањето на аранжманот. Валидноста на патните исправи се обврска на патниците, при уплата на резервација должни се истите да ги приложат во агенцијата за проверка.

Медитеранскиот Бисер – МАЛТА

4 Дена / 3 ноќевања / Авион

Малтешките острови, опишани како музеј на отворено. Она што ги прави уникатни е 7000 годишна историја, а сепак се живее страстно во сегашноста. Влезете во мистериозната предисторија на Островите, чекорејќи по стапките на Св. Павле, таму каде што Витезиите на Св. Јован го бранеа христијанството… Каде и да одите, пејсажите на островите и архиотектурата нудат спектакуларна позадина. Впечатливи бои – медено обоен камен во мешавина од медитеранско синило…

16 Октомври (петок)   СКОПЈЕ – МАЛТА

Состанок на група на аеродром Скопје во 18:50 часот. Полетувањето е во 20:50 часот. Слетување на аеродром во Малта во 22:35 часот. Трансфер од аeродром до хотел. Сместување. Ноќевање.

17 Октомври (сабота)  ИЗЛЕТ ПО МАЛТА- МDINA – BlUE GROTTO – TA’QАLI – МАРСАШЛОК –СЕНТ ЏУЛИЈАН

Појадок. Целодневен факултативен излет исполнет со историја, култура и природна убавина.

Посета на Мдина стариот средновековен главен град на Малта, наречен – Град на тишината. Прошетка низ тесните поплочени калдрмени улички и грандиозна архитектура,каде ќе уживаме во панорамскиот поглед од бастионите,претседателската Палата… Прошетка до Рабат, предградието на Мдина каде ќе имате можност да ги посетите катакомбите на св.Павле (по избор) или може да се релаксирате со кафе во некое од локалните кафулиња.Посета на прекрасната Сина Пештера (Blue Grottо), најпознатиот пештерски комплекс на Малта, што преставува всушност комплекс од девет пештери чии карпести страни светат зелено, виолетово или портокалово, во зависност од нивната содржина на минерали. Околу пештерите се наоѓаат едни од најчистите, најсветли кобалтно сини води што може да се замислат. Доколку дозволуваат временските услови има можност за пловење со бродче низ Blue Grottо (се плаќа на лице место 10 еур).Напомена:Во случај на немирно море и прекин на бродскиот сообраќај (во зависност од временските услови),посетата на Blue Grotto ќе биде целосно изоставена.Во тој случај како алтернативна варијанта ќе ги посетиме прекрасните ботанички градини Сан Антон – мирна оаза позната по своите бујни градини и релаксирачка атмосфера. Потоа следува посета на рибарското гратче Марсашлок кое е типично рибарско место со автентичен малтешки поморски живот. Пристаништето е толку фотогенично поради што многу туристи го посетуваат за да ги овековечат типични те ,,luzzu,, рибарски чамци. Слободно време за ручек.Враќање во хотел.Мала пауза за одмор.Вечерно патување во Валета и 3те Градови. Поаѓањето е околу 18:00 часот, кога сонцето полека заоѓа и островот ги добива своите магични вечерни бои. Ќе тргнеме да ги откриеме Трите Града – вистински бисери на малтешката историја.Првата станица ќе биде Биргу (Виториоза), средновековен град чии тесни, мистериозни улици кријат приказни за витези, трговци и пирати. Прошетката низ овој стар кварт ќе ви даде чувство дека сте се вратиле неколку векови назад.Потоа, ќе уживаме во слободното време во марината Виториоза, една од најубавите марини на островот. Совршено место за релаксација, пиење пијалок и уживање во единствената атмосфера на луксузни јахти и осветлени пристаништа.Потоа нашиот пат води до срцето на Малта – Валета. Таму ќе имате слободно време за шопинг,вечера,прошетка меѓу луксузните улици и ресторани  кои имаат посебен шарм во вечерен амбиент.По ова незаборавно вечерно искуство, се враќаме во хотел, исполнети со впечатоци и слики што ќе останат во меморијата долго време. Ноќевање.

18 Октомври (недела)  ГОЗО – ВИКТОРИЈА (РАБАТ) – DWEJRA BAY – FONTANA – XLAENDI

Појадок. Целодневна факултативна посета на островот Гозо (Calypso’s Island), вториот најгoлем остров во Малтешкиот архипелаг каде историјата, природата и културата се здружуваат да создадат навистина магично искуство. Гозо во грчката митологија е наречен островот на Калипсо – грчка нимфа, која го држела Одисеј заробен на нејзиниот остров 7 години. Следува панорамски разглед на Викторија (Рабат), главниот град на Гозо кој не потсетува дека Мдина била изградена да ја заштити целата популација на Гозо од страшните пиратски напади. Посета на базиликата Та Пину-Место на чудата, позната по чудесните приказни, богата историја и духовно значење на ова прекрасно место. Посета на старата цитадела богата со калдрмени улици, историски знаменитости и панорамски поглед на островот.Посета на заливот Dwejra Bay кој се смета за една од најнеобичните атракции на Гозо што многу туристи ја сакаат и со добра причина. Накратко може да се каже дека станува збор за музеј на отворено кој комбинира добра доза на природна историја, археологија и геологија низ познатите знаменитости како што се Внатрешното море, карпата Габа, Азурниот прозозорец и караулата Двејра. Доколку дозволуваат временските услови има можност за пловење со бродче во заливот кој со своите крајбрежни формации и морето што се прелева над карпите е навистина една магична атракција (се плаќа на лице место 5 еур).

Посета на шармантното село Фонтана со историско значење како центар за перење и традиционални малтешки производи. Слободно време за опуштен ручек во заливот Xlaendi во некој од локалните ресторани со традиционална вкусна малтешка кујна. Враќање во хотел.Слободно време за индивидуални активности во  Сент Џулијан, место познато по својот бурен ноќен живот.Ноќевање.

19 Октомври (понеделник)   ПОПАЈ СЕЛО (POPEYE VILLAGE) – ВАЛЕТА – СЛИМА -СКОПЈЕ

Појадок. Факултативно, посета на Попај селото (Popeye Village) или уште познато како (Sweethaven Village), наменски изградено село со филмски сет што е претворено во мал забавен парк за атракции, наменски изграден за филмот Попај кој е снимен во 1980г. Факултативно, разглед на главниот град на Малта – Валета опкружен со бројни масивни зидини и тврдини, изграден од Витезите на Св.Јован кои биле болничари во 16-от век. Малтежаните се многу горди на својот главен град чие светско и богато културно наследство се открива веднаш при самото движење на улиците низ градот. Разгледот започнува од портата на Валета преку главната улица до централниот плоштад на Републиката со застанување на важни културно-историски објекти каде се раскажува за историјата на самиот град и на самиот остров. Потоа, прошетката продолжува низ сликовитите улички се до Градините “Barracca” од каде што има прекрасен панорамски поглед на Големиот Залив и на Трите Града. Не случајно се снимени толку многу филмови на Малта. Исто така предвидена е и посета на богато украсената Катедрала и музеј на Св.Јован, дом на светски познатите уметнички ремек дела од Караваџо и Матија Прети, која воедно е и мевзолеј каде што се погребани големите мајстори од малтешкиот витешки ред (влез во Катедралата – 15еур). Слободно време за ручек.Посета на Слима – позната како центар за шопинг, преубави ресторани, кафулињата, интересни улички и архитектура создадени за убави фотографии. Организиран трансфер до аеродром. Полетување за Скопје во 23:20 часот. Слетување во 01:00 часот.

Дополнителни 30 евра попуст за резервации направени до 30.09

Попуст за ранa уплатa до 30.09:  399 € / 24.740 мкд

ЦЕНА НА АРАНЖМАНОТ: 449 € / 27.840 мкд

ВО ЦЕНАТА НА АРАНЖМАНОТ Е ВКЛУЧЕНО:

ü  Авионски превоз на релација Скопје-Малта-Скопје

ü  Организиран трансфер аеродром-хотел-аеродром

ü  Сместување во хотел Alexandra 3* во Сент Џулијан во Малта на база 3 ноќевања со појадок

ü  Рачен багаж (1 мека торба до 10 кг. со димензии 40х30х20см)

ü  Организација на аранжманот и придружник на патување

ВО ЦЕНАТА НА АРАНЖМАНОТ НЕ Е ВКЛУЧЕНО:

Ø  Доплата за чекиран багаж – куфер до 10кг / 20кг (цената е променлива, инфо во агенција 7 дена пред поаѓање)

Ø  1. Посета на Попај село 25 евра (трансфер и влезница)

Ø  2. Посета на  Валета и Слима 40 евра (трансфер, локален водич)

Ø  3. Излет Малта (Ta Qali, Rabat, Mdina, Blue Grotto,  Marsaxlokk) 55 евра  (трансфер, локален водич)

Ø  4. Посета на Гозо 65 евра (трансфер, брод, локален водич)

Ø  5. Вечерен излет на Валета  и посета на 3те градови Birgu,Senglea и Cospicua  30 еур (трансфер, локален водич)

Ø  Ред. бр.2,3,4 -ПАКЕТ ФАКУЛТАТИВНИ ИЗЛЕТИ  145 евра

Ø  Туристичка такса 750 мкд   (се плаќа во агенција)

Ø  Влезници во локалитетите, карти за локален превоз

Ø  Патничко – здравствено осигурување

Ø  Доплата за еднокреветна соба 7.900 мкд.

Напомена:

Цените се по лице за сместување во двокреветни или трокреветни соби.

За реализација на аранжманот потребен е минимум од 20 патници. За резервација задолжителна уплата на аванс од 30% од вкупниот износ на аранжманот. Целосна доплата на аражманот е 10 дена пред поаѓање. Усни и телефонски резервации се невалидни. Плаќањето е исклучиво во денарска против вредност по курс 1 евро = 62,00 денари.

За реализација на факултативните излети потребен е минимум од 15 патници. При резервација задолжително е изјаснување/пријавување кои од понудените факултативи ќе ги користи патникот како би можела агенцијата навремено да ги организира истите.

Агенцијата го задржува правото на промена на редоследот на програмата во случај на непредвидени објективни причини, како на пример застој на граница, доцнење на летот, застој во сообраќајот, затвореност на некој од локалитети предвидени за посета …

Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.

Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата.

Патникот има обврска пред поаѓање 24 часа да ја контактира агенцијата за потврда на точното време и место на поаѓање.

Патната исправа треба да е валидна минимум 3 месеци по завршувањето на аранжманот. Валидноста на патните исправи се обврска на патниците, при уплата на резервација должни се истите да ги приложат во агенцијата за проверка.

Кападокија – Магија и мистика / Велигден АВИОН