Just one second...

 
Architecture of Oia town on Santorini island, Greece
                                                                                                                  САНТОРИНИ

Монденски, незаборавен, традиционален…остров кој ќе ве остави без здив, најромантичниот остров на светот Санторини! Издигнувајќи се од сините води на Егејското море, тркалезниот архипелаг на вулкански острови, 200 километри југоисточно од копното на Грција, со своите живописни и разнобојни карпи раскажува своја историја. Симболот на грчкиот туризам, наречен Санторини, а препознатлив по куќичките од бел камен со плави покриви, за најголемиот Христијански празник Велигден е центар на светот! Имате можност да го посетите најсветото место на Санторини – Пиргос, каде на традиционален начин се прославува Велики Петок…Како што ќе се доближувате до островот, се потешко е да сфатите дека тој кружен залив, некогаш бил вулканско срце. Како што рековме, Санторини се наоѓа во Егејското море и припаѓа на групата острови Киклади. Опфаќа територија од околу 96 км2, должина на обала од околу 69 км. Западната страна на островот, онаа која е свртена према вулканот е карпеста и стрмна и се вика KALDERA. На југоисточниот дел се наога варовитовулканска планина MESA VOUNO со највисок врв Prophifitis Ilias. Климата е умерена и е медитеранска. Во текот на летото дувка североисточен ветер познат по името meltemi, а во текот на зимата температурата никогаш не пага испод 10 степени. Дожд врне понекогаш во зима, а во текот на летото нема врнежливи денови.

ПРОГРАМА НА ПАТУВАЊЕТО :

1.ДЕН (01.05.’24 – среда) : БИТОЛА Состанок на групата на Градската Автобуска станица во 17.00 часот. Поаѓање за Грција во 17.30 часот. Патот води преку г.п. Меџитлија, Лерин, Птолемаида, Вериа, Катерини, Ламиа…ноќно и денско патување, со кратки попатни одмори.

2.ДЕН (02.05.’24 – четврток) : ПИРЕА – САНТОРИНИ Пристигнување во Пиреа во раните утрински часови. Слободно време за краток одмор. Во 06.30 часот – трансфер на траект и поаѓање за Санторини во 07.25 часот. Планирано пристигање на Санторини околу 15.30 часот. Сместување во хотел. Слободно време за одмор или уживање на плажата во Камари/Периса…Во вечерните часови – прошетка низ ФИРА главниот град на Санторини, местото на светлината и шармот на островот, каде ќе имаме можност за ноќно фотографирање. Во полноќните часови со нашиот автобус, враќање во хотел. Ноќевање.

3.ДЕН (03.05.’24 – Петок) : САНТОРИНИ Појадок. По појадокот, околу 09.30 часот заминување на факултативна целодневна екскурзија и разглед на островот…археолошкиот град Акротири, последните остатоци од Миноанската цивилизација, место кое многумина го споредуваат со Помпеа, затрупано со вулканска лава. Можност за посета на музејот, каде можете да ги погледнете прекрасно сочуваните куќи, скали, улици кои го краселе тоа место тогаш (влезница за локалитетот се плаќа дополнитено по цена која е на каса)…посета на „црвената“ плажа, Манастирот Св.Пророк Илија (Prophitis Ilias) кој се наога на највисоката точка на островот, од каде се пружа прекрасен поглед на целиот остров (можност за фотографирање), посета на Фира и Имеровигли – Калдера. Во попладневните часови посета на најмонденското селце OIA…можеби сте слушнале, можеби сте гледале на слики, сега е време да ја почувствувате магичноста на едно од најпознатите светски залези на сонцето кое се случува токму на тоа место…питорескната и монденска OIA, изградена на северниот дел од Калдера од каде се гледа остатокот на островот и Егејското море била испирација за многу поети, сликари и писатели…авантурата продолжува кон ПИРГОС каде на ВЕЛИКИ ПЕТОК се поклонуваат сите христијански верници проследено со специфичен традиционален ритуал кој го приредуваат мештаните. Целото село е осветлено со илјадници запалени свеќички од смола, кој и најсилниот ветер на овој ден не може да ги изгасне. По завршувањето на ритуалот можност за посета на црквата, разглед на ПИРГОС кој така осветлен ќе не остави без здив од преубавата глетка, слободно време за индивидуални активности. Враќање во хотел. Ноќевање.

4.ДЕН (04.05.’24 – Сабота) : САНТОРИНИ Појадок. По појадокот – слободно време или факултативно крстарење…посета на Неа Камени (новонастанатиот вулкан ПЕС – обавезна доплата од 3,5 € за искачување до врвот на истиот на лице место) – можност за фотографирање покрај активниот кратер…продолжуваме кон островот Тирасија, можност за кафе-пауза или ручек во таверните кои се поставени на самото море…крстарењето продолжува кон Палиа Камени (стариот вулкан), каде ќе имате можност за капење во термалните води…пловидбата продолжува долж сртот на островот, од каде се гледаат градовите Иа и Фира…враќање во хотел. Во доцните вечерни часови (Велика Сабота) подготовка за традиционална посета на некоја од православните цркви по наш избор каде се чествува ХРИСТОВОТО ВОСКРЕСЕНИЕ, по црковните ритуали – враќање во хотел. Ноќевање.

5.ДЕН (05.05.’24 – Недела) : САНТОРИНИ Појадок. Слободен ден за индивидуални активности, прошетки или капење во кристално чистото Средоземно море…можност за организација на Велигденски ручек во некоја од многубројните таверни во Камари или Периса. Ноќевање.

6.ДЕН (06.05.’24 – понеделник) : САНТОРИНИ – ПИРЕА – БИТОЛА Појадок. По појадокот – одјавување и заминување од хотелот околу 11.00 часот. Факултативна посета на на најубавата и една од таков вид винарија во Грција – Koutsoyannopoulos Winery – Wine Museum, која датира од 1600-та година и се наоѓа 8 метри под земја (во природна карпа) во должина од 300 метри, поврзана со подземни простории во кој се гледаат (со анимации) презентации за историјата на виното. Во историјата на оваа винарија прикажани се сите 14 генерации на производители на вино, од нејзиниот почеток до денес. По посетата на винаријата – слободно време во Фира се до 14 часот, кога имаме трансфер до пристаниште, чекирање и сместување на фери. Денско и ноќно пловење према Пиреа. Пристигнување на пристаниште во Пиреа околу 23:30 часот. Поаѓање за Македонија. Пристигнување во Битола во раните утрински часови – наредниот ден.

ЦЕНА НА АРАНЖМАНОТ : 19.780,00 денари (319 €)

ЦЕНАТА НА АРАНЖМАНОТ ВКЛУЧУВА : 

Автобуски превоз на горенаведената релација, 4 Н/П во хотел со 4* во Периса;
Tрансфер со брод на релација Пиреа – Санторини – Пиреа;
Tрансфер со автобус од пристаниште во Санторини – хотел – пристаниште; посета на Фира – by night;
ТРАНСФЕР на патници БЕЗ НАДОКНАДА од Скопје, Велес, Сирково, Прилеп, Струга, Охрид и Ресен; на група; организација – водство и реализација на аранжманот;

ЦЕНАТА НА АРАНЖМАНОТ НЕ ВКЛУЧУВА : 

Факултативните излети и посети, влезниците при посета на културно-историските споменици, патничкото осигурување (210,00 денари по лице).
ЦЕНИ ЗА ФАКУЛТАТИВАТА :
Целодневен излет низ Санторини – 40 € по лице (автобус + водич);
крстарењето со брод – 40 € по лице (трансфер + брод + водич);
посета на винаријата – 20 € по лице (трансфер+резервација+влезница+дегустација на вина); Факултативниот Велигденски ручек – 0 € по лице;
За изведување на било која факултатива, потребен е минимум од 30 патници.

ДОПЛАТИ :
– Доплата за еднокреветна соба : 75 € (4.650,00 ден.)
– Прво дете до 7 год. кое не користи кревет, а е со 2 возрасни лица – плаќа само превоз+брод : 160 € (9.920,00 ден.)
– Второ дете до 11,99 години со 2 возрасни лица – плаќа 70% од цената за ворасен
– Туристичката такса се плаќа на лице место

НАПОМЕНА :
– За реализација на овој аранжман, потребен е минимум од 40 патници, во спротивно, крајниот рок за известување околу евентуален отказ на аранжманот е најкасно 5 дена пред датумот на поаѓање.
– Патниците се должни самите да внимаваат на валидноста на нивните пасоши. За влез во Р.Грција, пасошот треба да важи минимум 3 месеци од денот на враќање, во спротивно можно е патникот да не биде пуштен на територијата на Република Грција. Агенцијата не сноси одговорност доколку настане проблем на самата граница и не е во обврска да рефундира средства од аранжманот, ниту да обезбедува повратен превоз до градовите од каде што се патниците.
– Агенцијата/Организаторот на патувањето го задржува правото по пат на ultra first или last minute понуда, да ги објави и продаде слободните капацитети по цени кои се разликуваат од оние кои се веќе објавени во ценовникот. Лицата кои предходно го уплатиле аранжманот немаат право на надомест на средства во разлика на цена
– Агенцијата е должна до два дена пред тргнување да ги извести патниците за часот и местото на тргнување.
– Цените се по лице, сместување во двокреветни и трокреветни соби.
– Агенцијата го задржува правото за измена на редоследот на поедини содржини во програмата (застој во сообраќај, локални штрајкови, локали предупредувања, каснење на патници, непочитување на сатница закажана однапред од страна на агенцијата.

Со оваа програма важат Општите услови на СКТМ

                                                                                                 
panoramic-view-kerkyra-capital-corfu-600nw-1250604826
                                                                                                     КРФ

Сигурни сме дека Крф го замислувате како остров со песочни плажи, сини води и луксузни хотели. Па, Крф е многу повеќе од ова. Најдобриот начин да го откриете сами, додавајќи духовен пресврт во вашето патување, е да го посетите Крф во време на Велигден! Но, што е сепак толку посебно за Велигден на Крф? Прославен во пролет, Велигден на Крф е совршена шанса да уживате во одличното време, бујното зеленило на островот и бескрајните сончеви прошетки низ градот Крф. Уште повеќе, тоа е одлична можност да се искусат локалните традиции и начинот на живеење на мештаните. Традиционалните обичаи, настани, фрлање на глинени садови полни со вода, многу музика, вкусна храна и духовни вибрации ќе ве натераат уште подлабоко да се заљубите во Крф. Славните велигденски празнувања започнуваат на Цветници и продолжуваат до Велигденска недела. Интересниот дел е, иако православниоѕ Велигден и католичкиот Велигден не се слават во исти денови, католичките цркви учествуваат во прославите на православниот Велигден. Ова чувство на заедница и заедничи е она што го прави Крф Велигден единствен! Секоја година, луѓето од Грција и од целиот свет се собираат во градот Крф, центарот на свеченостите, за да го прослават Велигден. За градот Крф (Керкира) не треба да се опишува многу, кога ќе шетате низ градот ќе се почувстувате како да сте во: Венеција, Болоња, Дубровник… сите тие тесни улички ќе ве потсетат на нешто што ќе помислите дека некогаш сте биле а всушност сте за прв пат таму. Во продолжение прочитајте ја нашата програма за Велигден.

02.05.2024 (ЧЕТВРТОК) ЧЕТВРТОК

Состанок на група кај хотел Русија во 21:00ч (точното време на поаѓање ќе се знае на 7 дена пред реализација на патувањето поради возниот ред на траектите)Имаме организиран превоз од: Kочани, Штип, Куманово, Скопје, Велес и Гевгелија. Следува ноќно возење со вклучени попатни паузи Препорачуваме добар одмор за време на патувањето со цел зачувување на позитивната енергија за утринските часови. Пристигнуваме на пристаништето во Игуменица, од каде патот го продолжуваме со траект до островот Крф.

03.05.2024 (ПЕТОК) КРФ ВЕЛИКИ ПЕТОК

Веќе сте се расониле со првото фрапе кога сино бистрите води на јонското море почнуваат пред вас да ја откриваат Керкира (градот Крф) и вашиот поглед најпрво ќе го привлече старата тврдина која го чува градот.

Од пристаништето во Крф, не очекуваат уште само 20 минути пат до нашата крајна дестинација Ипсос и Дасиа, кој на прв поглед ќе ви покаже зошто е врвот на фантастичната атмосфера на островот.

По сместувањето имате време за одмор, јадење и запознавање на околината. Во попладневните часови заминување кон градот Керкира. Програмата официјално започнува со првата посета на стариот град КРФ. Велики Петок е денот на Христовото страдање. На Крф, присуството на хоровите и илјадниците странски и домашни посетители дава посебна димензија на овој тажен настан. Додека еден филхармониски оркестар, облечен во црвени униформи, ја свири “Adagio” од Албиниони, друг оркестар го свири “Посмртниот марш” од Шопен. Многуте присутни оркестри, свират тажни и посмртни маршеви од познати композитори на класична музика. Мали девојчиња ги украсуваат епитафите со цвеќиња, а во церемонијата учествуваат и училиштата и момчињата од извидничките одреди. Обиколка низ градот за подобро запознавање. Слободно време за индивидуални активности.

Враќање во Дасиа и Ипсос. Ноќевање

04.05.2024 (САБОТА) КРФ

Одморени од долгиот ден и со смирени импресии од првата посета на градот, се подготвуваме за следење на вториот дел, односно првата поворка наречена, првото Воскресение кое започнува утрото. Велигденските празнувања се на врвот на Велика Сабота! И верувајте ни кога го кажуваме ова, гледањето и учеството во обичаите на Велика Сабота е една од најдобрите работи што може да се направат на Крф. Во 6.00 часот наутро во црквата Богородица „Ксенон“ во Свети Спиридон се одржува интересен ритуал. Се предизвикува вештачки земјотрес, за да го претстави земјотресот за време на воскресението, како што е опишано во Светата Библија. Под строга заштита, се изнесуваат моштите на Св.Спиридон Чудотворец – заштитник на островот. Подоцна во 9.00 часот започнува поворката на моштите и епитафот на Свети Спиридон. Иако поворките на епитафот се традиција на Велики петок, епитафот на Свети Спиридон – заштитникот на Крф – е исклучок! Ова е најстарата поворка на епитафот на Крф, започната во 1550 година, во спомен на Свети Спиридон, кој наводно го спасил островот од фатален глад.

Поворката, се разбира, е придружена од три филхармонии на островот, кои играат тажни маршеви. Филхармонискиот оркестар „Манцарос“ ја свири „Calde Lacrime“ на Мишели, филхармонијата „Стара“ ја игра „Амлет“ на Фацио и филхармонијата „Каподистриас“ ја игра Бетовеновата „Марсија Фунербе“. Во 11.00 часот се одржува таканареченото „Прво воскресение“ во црквите на островот. Ѕвоната на црквите весело бијат и познатиот обичај „Ботиди“ се одржува во градот Крф.

За што е овој обичај?

Луѓето фрлаат големи глинени садови полни со вода од нивните балкони, додека толпата го гледа спектаклот и филхармонијата на островот како играат религиозни маршеви. Овој обичај потекнува од венецијанската окупација, кога луѓето ги фрлале своите стари работи од балконите во новогодишната ноќ, очекувајќи од новата година да им донесе нови работи. Според други, овој обичај потекнува од античко време, кога луѓето во април ги фрлале старите глинени стомни, за да ги наполнат новите со овошје. Трето објаснување за овој обичај е дека има паганско потекло и дека со вревата направена од кршењето, Античките Грци сакале да ја разбудат Персефона, божицата на пролетта и да го забрзаат нејзиното доаѓање. Обичајот е да се земе парче од скршените глинени садови и да се сочува за среќа и здравје до следната година. Филхармонските групи се враќаат на улиците и почнуваат да свират весела музика. Како и да е, сè уште е многу популарен обичај на Крф! Во исто време, обичај, наречен „Мастела“, се одржува во областа Пинија, во центарот на градот на Стариот град. Покрај патот е поставено големо буре полно со вода. Секој што поминува треба да фрли паричка во неа. Кога ќе се случи „Првото воскресение“, се избира случајно лице кое минува да биде фрлено во бурето, за да ги собере монетите од неговото дно. По настаните враќање Слободно време за одмор и индивидуални активности.Во вечерните часови, поаѓање кон градот за проследување на последниот дел од традиционалната прослава, односно Христовото воскресение. На полноќ, илјадници луѓе се собираат на градските плоштади и го прославуваат Христовото Воскресение. Честит Велигден, Христос воскресе!

05.05.2024 (НЕДЕЛА) ПАЛЕОКАСТРИЦА

Ако природниот рај има име, тогаш на Крф тоа име е Палеокастрица – место богато со историја, богато со природна убавина, плажа која од која поубава. По пат кон ова легендарно место ќе направиме една пауза за посета на музеј-фабриката Мавроматис. Фабриката го носи името на семејството кое најдолго се занимава со одгледување и произведување на најразлични производи од овошјето кумкват.

Дрвото кумкват потекнува од Јужна Азија и е толку егзотично што во Европа, успева само на Крф и во Шпанија. При нашата посета овде ќе имате прилика да погледнете краток документарен филм од кој ќе научите малку повеќе за историјата и потеклото на овошјето, неговото преработување и сите производи што произлегуваат од неговата преработка. Најубавиот дел од искуството е секако бесплатната дегустација на ликерите и слатките со разни вкусови по што може да се одлучите за омилениот и да си го купите како карактеристичен сувенир од Крф, кој ќе ве потсетува на доживеаното патување.

При нашиот целодневен излет ќе го посетиме 13 века стариот манастир кој гледа на Палеокастрица од високо и воодушевува со медитерански шарм. Пред влезот на манастирот во панорамата пред нас се гледа и карпата за која се верува дека е бродот на Одисеј. Легендата вели дека во своето патување кон Итака застанал и на Палеокастрица каде топло бил пречекан од Кралот на Феичаните и неговата ќерка. Во манастирот Дева Марија, покрај прекрасната архитектура и глетки може да го посетите и византискиот музеј, со експонати од манастирот пред неговата обнова, како и малиот музеј за производство на маслиново масло.

Ќе си направиме и уникатни панорамски слики од местото кое не може поубаво да се опише освен со зборовите Bela Vista, каде небото и водата се спојуваат. Mожност за традиционална прослава со ручек во грчка таверна. Слободно време за одмор. Забава во еден од најатрактивните ноќни барови во Ипсос. Олеа со својот уникатен декор и маркантното маслиново дрво во центарот на подиумот веднаш ќе ви го привлече вниманието и ќе ве освои со атмосферата. Ноќевање.

06.05.2024 (ПОНЕДЕЛНИК)- АХИЛЕОН-СКОПЈЕ

Последниот ден на островот го резервираме за посета на палатата Ахилеон. Напуштање на собите во Ипсос до 10:00 ч. по што се упатуваме кон селото Гастури каде се наоѓа оваа палата. Оваа палата е изградена од Австро-унгарската императорка, Елизабета позната како принцезата Сиси. Оваа палата била користена како нејзина летна резиденција се до нејзината трагична смрт. По нејзината смрт останала напуштена до 1907 год, кога ја купува Кајзер Вилхем 2 од Германија.

Во денешно време е музеј со прекрасна градина, скулптури, фрески и други уметнички дела. Тие ќе ни ја откријат митологијата и историјата на островот со доволно приказни што ќе ни останат во сеќавање долго и по пристигнувањето дома. Во меморијата сигурно ќе ви се вреже и приказната за животот на императорката која откако ги губи своите деца станува опседната со одржување на својата младост, фигура и убавина и за таа цел преземала драстични мерки. Патувајќи сама и барајќи го својот мир, наоѓа восхитување во грчката митологија, култура и јазик. Токму затоа во архитектурниот стил на палатата како главна тема се провлекува јунакот Ахил. Токму затоа и самата палата го добива неговото име.

Посетата на Палата е факултативна, кој не сака ова време го користи за прошетка низ градот Крф.

Во попладневните часови заминување кон Скопје.

Очекувано пристигнување во Скопје во раните утрински часови по полноќ.

 

ЦЕНА НА АРАНЖМАНОT: 139 евра / 8620мкд

ПРОМО ЦЕНА ДО 12.04: 129евра / 8000мкд

 

Во цената на аранжманот е вклучено:
Автобуски превоз Скопје- Игуменица- Скопје

Превоз со траект Игуменица – Крф – Игуменица

Сместување во приватни вили 3ноќи/4дена во Ипсос и Дасиа

Три организирани посети на градот Крф, со превоз со цел следење на процесијата и прославата за Христовото воскресение

Професионален придружник од агенцијата за време на целото патување и сите активности

Во цената на аранжманот не е вклучено:

Посета на Палеокастрица и фабриката Мавроматис (20 евра)
*M
ожност за посета на Аквариум (доплата 7 евра)
Патничко осигурување.

Организиран превоз и влезница во Палатата Ахилион/палатата на Сиси– 20 евра (разглед на градина)

Parthenon temple on a bright day. Acropolis in Athens, Greece, on a bright day


ВЕЛИГДЕН-АТИНА

Атина е град посветен на божицата Атина, по која го добила името и која била нејзин заштитник со векови. Денес, Атина е мултимилионска метропола, бидејќи од своето постоење преживеа подеми и падови како неколку други мегаполи во светот.За историјата на човештвото, Атина е значајна затоа што ги постави темелите на парламентарната демократија и слободните избори. Сепак, првата асоцијација кога се споменува Атина е Акропол со Партенон како најголем и најважен храм кој доминирал  две и пол илјади години.
Град на историјата, но и главен град на добри времиња. Бил признаен како центар на културата и уметноста дури и во време кога повеќето европски метрополи не ни постоеле. Храмот на Олимпискиот Зевс, стадионот Панатинаик – место на првите модерни Олимписки игри во 1896 година, Кралската палата, црквата Свети Павле, Парламентот, нумизматичкиот музеј Шлиман, главната Трикластагни Миа, Универзитетот и Националниот Библиотека, се само дел од убавината на денешна Атина. Ви нудиме можност за 8-ми Март да уживате во метрополата, во продолжение програмата…..

02.05.2024 (ЧЕТВРТОК) СКОПЈЕ-АТИНА
Состанок на групата на Хотел Русија во 19:30 часот. Поаѓање за Атина во 20:00 часот. Ноќно возење со попатни паузи поради одмор и царински формалности. Организиран превоз од: Кочани (судот), Штип (лукоил бензинска), Велес (Макоил бензинска), Неготно (макпетрол бензинска) и Гевгелија (граничен премин)

03.05.2024 (ПЕТОК) АТИНА
Пристигнување во Атина. Панорамско разгледување на градот (Плоштадот Омониа, Плоштадот Синтагма каде се наоѓа Парламентот и стражата на Евзони, Олимпискиот стадион, Зевсовиот храм, Хадријановата врата, Бајроновиот споменик, Националната библиотека, универзитет…) Акропол (Пропилеј, Партенон, Ерџтејон…) што во превод значи град на рид. Старото население поради одбрана бирало земјиште најчесто на ридови со стрмни страни и на таквите места се правеле тврдини во многу делови на светот кој потоа станувале центар на големи градови кој што се развивале. Многубројните освојувачи на Акропол извршиле измени на ова место. Сместување во хотел. Слободно веме за индивидуален разглед. Ноќевање

04.05.2024 (САБОТА) АТИНА-ПЕЛЕПОНЕЗ
Појадок во хотел. Екскурзијата започнува во 08:00ч по локално време. Првото место што ќе го посетиме е Коринтскиот залив, кој ги соединува Саронскиот залив на Егејско море и Лахејскиот залив на Јонско море од каде се оди на полуостровот Пелепонез. Oвој канал се градел 11 од 1881 години и бил завршен 1893 година. Долг 6.4 километри и широк само 25 што во тоа време било чудо и поради тоа современите бродови имаат проблем да поминат покрај каналот. Ќеимате можност да направите фантастични фотографии од мостот. Екскурзијата продолжува и се посетува најголемиот и најдобро сочуваниот приметок на класичен грчки театар во Гррција кој датира од 4 век п.н.е, Епидариус. Замислите ќе посетите театар кој е 2400 години стар!
Ова е уметничко дело, секој звук на сцената без разлика дали е крик или шепот, длабока воздишка или звук на палење на кибрти, може да се слушне низ театарот дури и во последните редови. Не верувате? Ви препорчуваме да го посетите и да се уверите.  Се смета дека распоредот на седиштата е всшност акустичен филтер кој овозможува да се намали бучавата во позадина, како што е мрморењето на публиката, притоа нагласувајќи ги звуците со поголема фреквенција што доаѓаат од сцената. Најголемиот грчки театар е висок 114 метри и може да прими од околу 13.000 луѓе. Во 1998 година е под заштиа на УНЕСКО. По посетата на Епидариус се посетува градот Нафплио. Според легендата го основал Нафлиј, синот на богот Посејдон и Амимон. Првиот главен град на Грција се наоѓа на два часа возење од Атина и зрачи со венецијански шарм, благодарение на италијанскиот стил на градба. Кога ќе шетате низ градот ќе се почувствувате дека сте во градот Керкира или пак на момент во Венеција/Болоња, ќе помислите дека сте го посетиле овој град некогаш а всушност за прв пат ќе бидете. Долгите пешачки улици на стариот град нудат бескарјни можности за купување од автентични грќки сувенири. Мал град со многу енергија е вистинскиот избор за уживање во храната. Овде ќе имате слободно време за фрапе на преубавото пристаниште или ручек во тесните улички. Слободно време. Враќање во хотел. Ноќевање

05.05.2024 (НЕДЕЛА) АТИНА-ПИРЕЈА-СУНИОН-СКОПЈЕ
Појадок во хотел. Заминување на екскурзија. Првото место што ќе го посетите е пристаниште Пиреја. Некогаш ненаселен остров во близина на Атина, во текот на 5 век п.н.е.. но со полнење на земјата и градење на ѕидови, Пиреја стана дел од градот и атинското присташиште, едно од најголемите пристаништа во овој на дел на Медитеранот. Панормаски разглед на Пиреја што ќе ве воодушеви. Ќе имате можност да ги видиите стадионот на фудбалскиот клуб Олимпијакос. Последното место за посета е Сунион, храмот на Посејдон. На ова место се случила една од најголемите трагедии во грчката митологија, Сунион е веднаш до Делфи, еден од најубавите пејсажи во Грција и пошироко. Храмот на Посејдон стои сам на карпа покрај морето, од кае што атинскиот крал Егеј се врли во очај кога ги видел црните една на бродот на својот син. Неговиот син Тезеј, херојот кој го победил Минотаурот и кој во знак на победа требало да подигне бели еда по враќање во својата татковина во брзање заборавил да го стори тоа што довело до неопислива трагедија. Погледот од Сунион кон отворено море е фантастичен, ќе имате можност да уживате и да пиете кафе со поглед на море. Локалитетот на 05.05 е затворен, но се гледа однадвор а погледот е неверојатен. Заминување кон Атина. Се зимаат патниците кои не одат на овој факултативен излет и се поаѓа кон Македонија. Очекувано пристигнување во Скопје по полноќ

Редовна цена на аранжман: 159 евра / 9.860мкд

Во цената на аранжманот е вклучено:

Автобуски превоз
2 ноќевања со појадок во хотел со 3* во центарот на Атина (во близина на плоштадот Омониа)
Панорамски разглед на градот локален водич
Туристички придружник од агенција

Во цената на аранжманот не е вклучено:

Задолжително патничко осигурување
Факултативна посета на Пелопонез (45 €)-не е вклучена влезницата за театарот во Епидариус (12 евра)
Посета на Пирејa и Сунион (15€)
Влезница за во Акропол со водич (20 еур)
Туристичка такса 200 мкд за двете вечери
Индивидуални трошоци
Пакет факултативи 70 евра (Пелепонез, Сунион, Акропол)

Напомена:

Агенцијата го задржува правото за отказ на аранжманот најмногу 5 дена пред тргнување.
За реализација на патувањето потребно е минимум од 45 патници.
Патникот е должен при уплата на аранжман ЗАДОЛЖИТЕЛНО да се изјасни на кои екскурзии ќе присуствува. Во случај патникот да не се изјасни  и ако нема доволен број на влезници за одреден музеј/знаменитост (се купуваат он-лајн), а притоа сака да присуствува, Т.А Стаф не превзема одговорност.
Целосна доплата на аранжманот мора да се изврши најдоцна 10 дена пред патување.
Во случај на отказ на еден од патниците, за сместување нема поврат на средства
Агенцијата го задржува правото по пат на ultra first или last minute понуда да ги објави и продаде слободните капацитети по цени кои се разликуваат од оние кои се веќе објавени во ценовникот. Лицата кои го уплатиле аранжманот по ценовник немаат право на надомест на средства за разликата во цена.
Агенцијата го задржува правото на промена на хотел/апартман во случај на технички причини или Overbooking, организаторот ќе го смести патникот според можностите во даден момент во објект од иста категорија или од повисока категорија без надомест
Реализацијата на излетите е во зависност од временските услови, организаторот го задржува правото во случај на неповолни временски услови да ги откаже излетите и за истите не следува рефундација.

istra

                                                                                                 ВЕЛИГДЕН ВО ХРВАТСКА (ИСТРА)

Можеби сте гледале веќе понуди за Велигден и не можете да се одлучите каде да одите а штом сте стигнале до оваа програма, тука треба да се задржите и да се одлучите.
Нашата тура за Велигден е тура што за 4 дена посетуваме 6 градови и тоа во 3 држави (Италија, Словенија и Хрватска). Сигурно се запрашувате кои се тие градови и каде се престојува?
Тимот на Стаф ја има идеалната понуда за вас со 3 ноќевања за Велигден, во продолжените програмата…

02.05.2024 (ЧЕТВРТОК) СКОПЈЕ-ЗАГРЕБ
Состанок на група кај хотел Русија-Скопје околу 19:00ч. Имаме организиран превоз од Кочани, Штип,Велес, Скопје и Куманово. Ноќно возење со попатни паузи, граници и царински формалности.

03.05.2024 (ПЕТОК) ЗАГРЕБ-КРК
Денот ни започнува во главниот град на Хрватска, Загреб). Загреб првично постоел како два различни града, Каптол кој бил населен главно со свештенство, а во кој се наоѓа Загребската катедрала и Градец населен главно со земјоделци и трговци кои во 1851 година биле обединети. Градот е доста привлечна туристичка дестинација и бројот од година на година се повеќе се зголемува. Разлгед на градот со локален водич. Слободно време за кафе или индивидуален прошетка.  Заминување кон Крк. Сместување во Magal Hotel By Aminess со 3* на островот Крк во туристичкото место Njivice.

04.05.2024 (САБОТА) КРК-РОВИЊ-ПУЛА-КРК
Појадок во хотел. Денот ни започнува со посета на, Ровињ кој е неверојатен крајбрежен, романтичен и историски град во Хрватска, град лоциран на мал полуостров. Градот е омилен на туристите бидејќи станува збор за живописен стар град кои калдрмните улички биле изградени во средновековен стил, шарените куќи и градските плоштади создават амбиент што го одзема здивот. Една од најпрепознатливите знаменитости е црквата односно базиликата Св.Ефимија која била градена над остатоците од ранохристијанските градви во период од 1725-1736 год. Плоштадот Маршал Тито е главниот плоштад во Ровињ на која се наоѓа градската саат-кула, градската фонтана и најстарите кафулиња во градот. Во Ровињ е предвиден разглед на градот со локален водич за подобро запознавање на градот. По разгледот слободно време и заминување на излет до Пула, најголемиот град во Истра. Главниот и најпрепознатливиот симбол на градот е римсиот амфитеатар познат како ,,АRENA PULA’’ кој е најдобро сочуванит пример на римскиот амфитеатар, арена каде се одржувале гладијаторски битки, борби со животни итн. Се поминува покрај градските ѕидини, триумфалната капија и форумот кое е централното место за состаноци и главен плоштад во градот. По разглед на градот, групата има слободно време за индивидуални активности и прошетка низ Пула. Враќање во хотел. Ноќевање

05.05.2024 (НЕДЕЛА) КРК-ТРСТ-КОПЕР-КРК
Појадок во хотел. Денот ни започнува во Италија (Трст).  Можеби нема да има толку многу за шетање како Рим, да биде испреплетено како Венеција или да ја има хранливата сцена на Болоња, но ако сакате да доживеете дел од Италија без гужва, Трст е одличен избор. Главниот (плоштад Piazza Unità d’Italia) е опкружен со прекрасни згради во виенски стил и од овој плоштад има поглед кон морето па да испиете еден аперол би бил одличен избор. Трст е уникатен град и по својата географска локација на границата меѓу различните народи во затворен простор затворен помеѓу карстното плато и Јадранското Море, и по историските настани кои го интересирале и влијаеле низ годините од културен и архитектонски аспект. По неодамнешните работи на реновирање и реставрација, историскиот центар на Трст повторно ја доби елеганцијата и сјајот на своето минато, од наодите на римските урнатини до прекрасните палати кои датираат од австроунгарскиот период. Да се биде во Италија се разбира дека има многу историја а неопходен е да се види Римскиот театар во (Teatro Romano) кој е недалеку од главниот плоштад. Во Трст е предвиден разглед на градот со локален водич. По разгледот слободно време за индивидуални активности и заминување кон Koпер. Овој јадрански град кој одамна бил дел од кнежеството Венеција го задржа своето италијанско влијание и архитектура. Покрај атрактивните калдрма на Копер, плоштадите, пријатни кафулиња, ресторани и морска храна на скара, овде се изложени изобилство од различни архитектонски стилови, вклучувајќи барок, готски, ренесансен и венецијански. Стариот град Копер лежи на поранешен остров, кој некогаш бил поврзан со копното со мост. Денес Копер е полуостров поврзан со заднината и преполната област прерасна во продолжение на градот. Локалниот водич во Копер ќе ве запознае подобро со градот и неговите знаменитости и препорача места каде можете да ја пробате локална храна. Слободно време за индивидуални активности. Враќање во хотел. Ноќевање

06.05.2024 (ПОНЕДЕЛНИК) КРК-РИЕКА-СКОПЈЕ
Појадок во хотел. Одјава и заминување кон Риека.  Градот е трет по големина во Хрватска по Загреб и Сплит по број на население. Во ова туристичко место се наоѓа најважното хрватско пристаниште поради својата стратешка географска положба. Во 2020 година Риека беше избрана за европска престолнина на културата заедно со Голвеј во Ирска. Интересен факт е дека секоја година Риека е домаќин на еден од најголемите карневалски фестивали кој речиси е исто толку популарен како карневалот во Венеција. Корзо или стариот град е срцето на градот, главното градско шеталиште по кое е препознатлив овој град и опкружен со градби од кои датираат од 16 век. Патниците ќе имаат можност да ја видат старата градска кула, палатата на гувернерот, старата градска кула и други знаменитости кои ќе бидат препорачани од водичот. По разгледот следува слободно време за индивидуални активности. Заминување кон Македонија. Пристигнување во утринските часови во Македонија.

Промо цена на аранжман: 239е / 14.820мкд
                                                                                    Редовна цена на аранжманот: 259е / 16.060мкд

Во цената на аранжманот е вклучено:

·         Автобуски превоз *Превоз од: Кочани, Штип, Велес, Скопје и Куманово
·         3 ноќевања Magal Hotel By Aminess со 3* на островот Крк со појадок
·         Посета на Загреб и разглед на градот со локален водич
·         Туристички придружник

Во цената на аранжманот  не  е вклучено:

·         Посета на Ровињ и Пула и разглед на со локален водич- 65 евра од лице
·         Посета на Трст и Копер и разглед на градовите со локален водич- 40 евра
·         Посета на Риека и разглед со локален водич- 20 евра од лице
·         International пакет (посета на Пула, Ровињ, Ријека, Трст и Копер) 105 евра од лице- (20 евра заштеда)- сите факултативи
·         Туристичка такса од лице 9 евра за 3 ноќевања (задолжително се плаќа во автобус)
·         Влезници за музеи, локалитети и патничко осигурување

НАПОМЕНА:

·         За реализација на аранжманот потребен е минимум од 40 патници При уплата патникот се изјаснуа дали ќе пристуствува на факултативните излети
·         Резервација се прави со авансна уплата од 30% од цената на аранжманот и копија од пасош, комплетна доплата 7 дена пред поаѓање
·         Цените се дадени во евра, уплата се врши исклучиво во денарска противвредност по курс 1€ = 62мкд
·         Пасошот треба да важи минимум 3 месеци по завршувањето на патувањето. Патникот е лично одговорен за исправноста и важноста на својот пасош
·         Организаторот на патувањето го задржува правото за измена на редоследот на содржините во програмата и промена на сместување.
·         Доплата за сингл соба 50% од сумата на аранжманот (ограничени соби)
·         Сместување со соби за две и три лица. Т.А Магелан не гарантира дали ќе бидете сместени во соба со брачен или два единечни кревети, менаџментот на хотелот го одредува тоа.

amalfi-2254776_640

                                                                                                                      Јужна Италија

Цела Италија плени со својот шарм и убавина, но југот е посебен. Токму затоа ние ве носиме таму.

Тргнуваме со нашата пловидба низ водите на јонско море од Игуменица, ноќна пловидба и уживање во мирните морски води. Утрото се будиме во Бари, каде што ќе ни стане јасно зошто југот е посебен.

Средновековни и ренесансни села, села покрај морето, планините и езерата претставуваат најдобра и најголема разноликост на Италија. Места каде се чувствува магијата низ воздухот додека пешачите во малите историски дуќанчиња. Во Италија ќе го почувствувате гостопримството, единственоста на нивната храна, вкус и традиција. Ќе го посетиме прекрасното Алберобело, а ќе се сместиме воа Наполи за кој старите римјани рекле „Vedi Napoli e poi muori“ („Види го Наполи и може да умреш“). Наполи е град со многу приказни, кои ќе имаме време да ги слушнеме и доживееме. Освен Наполи наредните денови ќе ги посетиме и Амалфи, Позитано и Помпеа, селцата каде ќе ги направите најубавите фотографии ќе ја вкусите најубавата храна и ќе се вљубите во шаренилото и духот на овие места. Пред нашиот пат назад ќе го посетиме и чудесниот град Матера, препознатлив по куќите во пештери кои се напуштени и затоа овој град е наречен “град на духови“. Заради неверојатните пејсажи на Матера овој град е локација за снимање на филмот “Страдањата на Исус“.

Овие неколку дена ќе бидат исполнети со многу воздишки, воодушевување, забава, дружба и спомени за паметење, затоа топло ви ја препорачуваме оваа програма.

Програма на патување

02.05.2024 (ЧЕТВРТОК) СКОПЈЕ-ИГУМЕНИЦА-БАРИ
Состанок на групата во 12.00 час. кај хотел Русија. Поаѓање за Игуменица,со попатни паузи за одмор и царински формалности. Пристигнување во Игуменица и качување на траект за Бари. Ноќно патување и ноќевање на траект.

03.05.2024 (ПЕТОК) БАРИ-АЛБЕРОБЕЛО
Пристигнување во Бари во утринските часови каде веднаш ќе не разбуди мирисот на море и глетката на прекрасно пристаниште. Откако се симнуваме од траект се упатуваме кон Алберобело, мало гратче оддалечено 70 км. од Бари кое е на листата на УНЕСКО за заштитени споменици на култура. Овој град има посебна приказна, градот на Trulо куќи, која е типично италијанска: дизајнот на куќите е смислен за измама на власта, која на жителите им наметнувала даноци. Локалниот феудален гроф Acquaviva ги преселил своите селани-работници тука, за да ја исчистат шумата и да ја претворат во обработливо земјиште. Грофот имал идеја да создаде феудално село кое би можело брзо да се сруши и обнови, со цел да се избегне плаќањето на даноците. Било важно Alberobello да не изгледа како типично село. Во 1797 година, кога Alberobello конечно добило статус на град, луѓето морале да живеат во Труло куќите, кои би можеле, доколку е потребно, лесно да се срушат а подоцна повторно да се изградат. Денес најголемиот број од овие куќички служат за сместување туристи или продажба на сувенири, но во некои од нив се уште живеат и локалните жители. Овде ќе имаме слободно време за прошетка и можност да ја доживееме оригиналноста на овој град како од бајките. Слободно време за индидивуални активности. Во предвидено време поаѓање и сместување во хотел во околината на Неапол (на 40 до 50км од Неапол). Ноќевање.

04.05.2024 (САБОТА) – CЕNTRO COMMERCIALE LA CARTIERA- ПOMПЕЈА (со локален водич) и НЕАПОЛ
Појадок во хотел. Денот ни започнува со шопинг во трговскиот центар Centro Commerciale La Cartiera. Слободно време за шопинг. Помпеја е град од времето на античкиот Рим, кој во 79та година од нашата ера од силната ерупција на Везув бил потполно уништен, прелеан со лава, целиот град со околу 20.000 луѓе, дворци, згради, храмови, театри и термални бањи зачувани засекогаш во моментите на нивната смрт се сведок на неуморливата сила на природата. Денешната Помпеа заради овој настан ја носи титулата град музеј и е под заштита на УНЕСКО и е една од најпознатите туристички дестинации во Италија и годишно го посетуваат повеќе од два милиони жители. Во договорено време поаѓање кон Неапол и слободно време за прошетка низ Неапол каде што ќе може да ги видите градскиот плоштад, општинската зграда, замокот Castello Nuovo, Театарот San Carlo, палатата Reale, црквата San Francesko. Враќање во хотел. Ноќевање.

05.05.2024 (НЕДЕЛА) – ПОСИТАНО,АМАЛФИ,САЛЕРНО И СОРЕНТО
Појадок. По појадокот се упатуваме на целодневна посета на Позитано, Амалфи,Салерно и Соренто. Се упатуваме во Поситано, рибарско место со шарени куќи сместени на карпи каде што ќе можете да направите прекрасни панорамски слики ..Кратка пауза 20 минути за панормско разгледувањ и патот го продолжуваме кон Амалфи. Амалфи, некогашна моќна поморска сила, по кој е именуван и целиот брег. Овој град заради прекрасните пејсажи се смета за едно од најспектакуларните места во Европа. Самото возење покрај брегот го одзема здивот, додека магичните гратчиња покрај море го комплетираат впечатокот. Амалфи е под заштита на УНЕСКО заради својата исклучителна убавина. Овде ќе се прошетаме до катедралата Св. Андреја која има впечатливо скалило и украсна фасада. Ќе имаме слободно време за едно еспресо, лимончело или аперол. Поаѓање за Салерно, слободно време за прошетка. По индивудалниот разглед, поаѓање за Соренто во договорено време. Пристигунување во Соренто. Слободно време за индивидуален разглед на градот.… препорака да се посетат: плоштадот Torquato. Враќање во хотел. Ноќевање.

06.05.2024 (ПОНЕДЕЛНИК) -MАТЕРА-БАРИ (пристаниште)-ИГУМЕНИЦА
Појадок. Одјава од хотел. Се упатуваме кон Матера, град сместен во јужниот дел на Италија, токму онаму каде започнува потпетицата на Италија. Се наоѓа во областа Базиликата, и од 1663 година до 1806 година бил прогласен за главен град на оваа област. Во 2019 година е прогласен за најдобра дестинација во светот и престолнина на Европската култура. Главна атракција на Матера е Саси или пештерската населба. Градот започнува да заживува дури во деведесетите години, кога Матера е вклучена во списокот на светско наследство на УНЕСКО. Оттогаш градот продолжува да инвестира во своето културно наследство. Старите обновени пештери, црквите, улиците и камбанариите ќе ви го одземат здивот. Ќе се напиеме кафенце или пулиски ликер, во пештерата стара 2000 години, ќе ја посетиме надалеку познатата катедрала на Матера од 1268 година. Овој магичен град е просторот каде што времето застанало. Градот се стекнал со најразлични имиња – Поезија во камен, Урбан феномен, Библиски пејсаж, Чудо од архитектура… Ќе прошетаме покрај пештерните куќи стари 9000 години, како во временска машина која те враќа назад и те шета низ вековите. Заради уникатната, единствена архитектура во Матера се снимени над 40 филмови, Во 1964 год. Пиер Паоло Пазолини го сими“Евангелието на Мaтеј”, но најголемата популарност ја обезбеди Мел Гибсон со снимањето на својот филм “Пасија” во 2004 година. Во попладневни часови, поаѓање кон пристаништето на Бари и качување на траект за Игуменица. Ноќевање на траект.

07.05.2024 (ВТОРНИК)-ИГУМЕНИЦА- СКОПЈЕ
Пристигнување во Игуменица, и продолжување на патот кон Македонија, со попатни паузи за одмор и царински формалности. Пристигнување во Скопје во попладневните часови.

РЕДОВНА ЦЕНА НА АРАНЖМАНОТ: 379е / 23.500мкд

Во цената е вклучено:

*Превоз со автобус
*Превоз со брод на релација Игуменица -Бари-Игуменица (седиште на брод)
*3 ноќевања со појадок во Хотел Holidays 3*
*Посета на Алберобело
*Посета на Матера
*Лиценциран туристички придружник

Во цената  не е вклучено:

*Шопинг во Centro Commerciale La Cartiera, Посета на Помпеја (влезница со локален водич 20 еур според моменатлната цена, влезниците се проверуваат пред поаѓање и не е вклучена во пакетот од 35 евра) и посета на Неапол. Пакет 35 евра (се плаќа во автобус)
*Посета на Поситано, Амалфи, Салерно и Соренто- Пакет 85 евра (се плаќа во автобус)
*Доплата по лице за седиште од типот на авион на траект 33 евра повратен билет (се плаќа во агенција)
*Доплата за еднокреветна соба-4.700мкд (за 3 ноќи)
*Туристичка такса 3 евра на ден по лице (се плаќа во агенција)

НАПОМЕНИ:

За реализација на аранжманот потребен е минимум од 40 патници
Резервација се прави со авансна уплата од 30% од цената на аранжманот и копија од пасош, комплетна доплата 7 дена пред поаѓање . Патникот при резервација ЗАДОЛЖИТЕЛНО се изјаснува за посета на  екскурзиите.
Цените се дадени во евра, уплата се врши исклучиво во денарска противвредност по курс 1€ = 62мкд
Пасошот треба да важи минимум 3 месеци по завршувањето на патувањето. Патникот е лично одговорен за исправноста и важноста на својот пасош
Организаторот на патувањето го задржува правото за измена на редоследот на содржините во програмата.
Организаторот на патувањето го задржува правото по пат на Ultra first, last minute Black Friday понуда или друг тип на промоција, да ги објави и продаде слободните капацитети, по цени кои се разликуваат од оние кои се објавени во ценовникот. Лицата кои го уплатиле аранжманот по ценовник, немаат право на надоместна средства за разлика во цена;

Агенцијата го задржува правото на промена на хотел во случај на overbook или други технички причини со подобра или иста категоризација

Brasov cityscape with black cathedral and mountain on backround in Romania

ВЕЛИГДЕН ВО ЈАШИ (МОШТИТЕ НА СВ.ПЕТКА)

Јаши е вториот по големина град во Романија кој се наоѓа во североисточниот дел на земјата.
и е познат по своето богато културно и историско наследство. Градот е дом на бројни универзитети, музеи,архитектонски знаменитости, вклучувајќи ги Палатата на културата, манастирот Тројца архиереи,манастирот Свети Јован Новиот во готски. Јаши е градот во кој почиваат моштите на најпочитуваната и сакана светица на православието, Мајка Параскева – Света Петка.
Јаши е исто така главен транспортен центар, со меѓународен аеродром и неколку железнички и автобуски станици кои го поврзуваат со другите делови на Романија и Европа. За Велигден имаме програма со 3 ноќевања, 1 ноќевање во Букурешт и 2 ноќевања во Јаши. Во продолжение програмата…

02.05.2024 (ЧЕТВРТОК)- СКОПЈЕ-БУКУРЕШТ
Состанок на групата пред хотел Русија во 19:00ч. Поаѓање за Букурешт. Ноќно возење преку Бугарија до Романија.

03.05.2024 (ПЕТОК) БУКУРЕШТ
Очекувано пристигнување во утринските часови во Букурешт по што веднаш се започнува со разглед на градот.
Парламентот
Започнуваме со разглед на Букурешт со водич и се упатуваме кон најголемата зграда во Европа – Палатата на Парламентот или како што порано иронично била именувана Палата на народот. Слободно време за фотографирање со импозантното архитектурно дело.
Плоштадот на Револуцијата
Плоштадот на Револуцијата е следното место на посета. Тука ќе се запознаваме со неизбежната богата историја на Букурешт. Овој плоштад стана светски познат кога ТВ станиците насекаде низ глобусот ги пренесоа последните моменти на власт на Николај Чаушеску. Точно тука, од својот балкон на поранешните простории на Комунистичката партија, тој сведочеше во неверување како бесната маса на луѓе се свртува против него. Протестот избега од контрола, а Чаушеску избега од него со својот хелихоптер. Плоштадот е опколен со важни знаменитости: Кралската Палата која денес е Национален Музеј на уметност, Романскиот атенеум кој е седиште на филхармонијата, Централната Универзитетска библиотека, црвената црква Крецулеску и почетокот на фамозната авенија Викторија.
Calea Victoriei
Продолжуваме со кратко возење по авенијата Calea Victoriei, најстарата и најшармантната улица, порано позната како “Големата Улица „ или „Брашов пат“ заради тоа што била дел од трговската рута која водела од Букурешт до градот Брашов, во Трансилваниа. Оваа улица е идеалната рута по која се гледаат најважните историски знаменитости и споменици на архитектурата кои го претставуваат Букурешт: Палатата ЦЕЦ, Националниот музеј на Историја, Палатата на националниот војнички круг, Музејот на уметност и секако плоштадот Викторија со своите атракции. Паралелно од нас мирно тече притоката на Дунав, реката Дамбовица. Повторно застануваме на еден од најголемите плоштади во центарот на градот, плоштадот Унири, од каде ги посетуваме Метрополитската црква- Патријаршијата, инспирирана од манастирот Куртеа де Агрес , со византиски ентериер и импозантни иконостаси, како и седиште на врховниот водач на православната Романска црква.
Куртија Веке
Слободно време за разглед на најстариот дел од градот Куртија Веке, изграден во периодот на владетелот Влад Цепеш Трети – Дракула, проширен во денес познатата шармантна област Липскани. Во историскиот дел од оваа област во кој се пронајдени докази за староседелците на Bukuresti , се верува дека подземно имал зандани во кои Влад Дракула ги чувал своите затвореници. Денес на тоа место се останати аркади, гробници, коринтска колонада и стари ѕидини како и најстарата Црква, која 2 века служела за крунисување на Романските принцови. Остатокот од областа Липскани може да се дефинира како срцето на Букурешт. Од средниот век се до 19от век била најважната комерцијална област во целиот град и пошироко. Овде најавтентично се чувствува живописниот карактер на градот, контрастите на старо и ново, на исток и запад, транзициите низ кои минува како и неговиот потенцијал.
Сместување во хотел. Слободно време за одмор.

04.05.2024 (САБОТА) БУКУРЕШТ-ЈАШИ
Појадок во хотел. Заминување кон Јаши и пристигнување попладневните часови во Јаши.
Jaши е еден од најстарите градови во Романија. Лоциран во североисточниот дел на земјата, Јаши со векови бил премин на најважните трговски патишта што ги поврзувале Полска, Унгарија, Русија и Константинопол. Длабоко вкоренет во историјата, Јаши е главен центар на молдавската култура од крајот на 1300-тите. Градот се гордее со тоа што е местото каде што е објавен првиот романски весник. Јаши е исто така дом на првиот романски универзитет и е – во денешно време – вториот по големина универзитетски центар во Романија. Јаши може да се пофали со импресивен број на православни цркви, над 100, од ​​кои многу се наоѓаат во нејзината централна област наречена Златна висорамнина (Платол де Аур). Најстарата, кнежевската црква Свети Никола, датира од времето на најголемите владетели во регионот, принцот Стефан Велики (Ștefan cel Mare) кој владеел од 1457 до 1504 година. Разглед на градот. Слободно време. Сместување во хотел. Ноќевање

05.05.2024 (НЕДЕЛА) ЈАШИ
Посета на Соборниот храм на Света Литургија покрај моштите на Света Петка. Разглед на манастирите околу Јаши. Поаѓање кон манастирот Владичен, кој се наоѓа на периферијата на градот Јаши, изграден на местото каде што биле примени моштите на Јован Сочавски во 15 век кога биле пренесени во Сучава. Новата црква е изградена во периодот меѓу двете светски војни од романски монаси кои се вратиле од Света Гора во духот на молдавските цркви од 15 век, а последен пат била обновена на крајот на 20 век. Посета на манастирот Четачуја, задарението на војводата Ѓорѓе Дука, изградена во периодот 1668-1672 година. Манастирската црква се издвојува по својата елеганција, едноставност и точност на пропорциите. Тој е репрезентативен споменик на молдавската феудална уметност од 17 век. Манастирот се наоѓа на истоимениот рид во Јаши, опкружен со лозови насади од кои во манастирот се произведуваат повеќе видови вино. Продолжување на патувањето кон манастирот Хадамба, кој е изграден во 1659 година. Манастирот го изградил Гркот Јанис Хадамба на имотот што му го дал молдавскиот принц Ѓорѓе Ѓика. Комплексот е реновиран во деведесеттите години на 20 век. Во манастирот има чудотворна икона на Пресвета Богородица, која се расплака поради пожар во манастирот во 2003 година. Враќање во хотелот. Слободно време. Ноќевање

06.05.2024 (ПОНЕДЕЛНИК) ЈАШИ-ЊАМЦ-СКОПЈЕ
Напуштање на собите и одјавување од хотелот. Одење во Соборната црква на Света Литургија, покрај моштите на Света Петка. Обиколка на манастирот Њамц – задужби на војводата Стефан Велики, изграден во 1497 година. Манастирот е изграден врз темелите на постар манастир. Манастирската црква импресионира со надворешните и уметнички украсени фасади. Во манастирот има две чудотворни икони на Пресвета Богородица, свети мошти на Пајсиј Величкоски и неименуван светител, делови од моштите на свети Симеон Столпник и Свети Јован Јосевит. Ноќно возење низ Романија и Бугарија со кратки застанувања по пат за одмор Пристигнување во утринските часови во Македонија.

                                                                                   Редовна цена на аранжманот: 249 eвра / 15.440мкд

Во цената на аранжманот е вклучено:
-Превоз на релација Скопје-Букурешт-Јаши-Скопје
*Организиран превоз од: Битола (Спортска сала), Прилеп (Лукоил бензинска), Кавадарци (Дреново) Кочани (Основен суд), Велес (Макпетрол карши лукоил), Штип (Бензинска Лукоил), Скопје (хотел Русија), Куманово (Макпетрол бензинска) и Крива Паланка (Макоил)
-1 ноќевање во хотел со 3* со појадок во Букурешт и 2 ноќевања со појадок во Јаши во хотел со 3*
-Посета на Соборниот храм во Јаши
-Разглед на Букурешт
-Разглед на Јаши
-Туристички придружник од агенција

Во цената на аранжманот не е вклучено:
-Патничко осигурување
-Туристичка такса од лице (4.5 евра за 3 ноќевања)- се плаќа во агенција
-Индивидуални тропшоци
-Манастир Њамц- 20 евра од лице

НАПОМЕНИ:
-За реализација на аранжманот потребен е минимум од 40 патници
-Резервација се прави со авансна уплата од 30% од цената на аранжманот и копија од пасош, комплетна доплата 7 дена пред поаѓање .
-Цените се дадени во евра, уплата се врши исклучиво во денарска противвредност по курс 1€ = 62мкд
-Пасошот треба да важи минимум 3 месеци по завршувањето на патувањето. Патникот е лично одговорен за исправноста и важноста на својот пасош.
-Организаторот на патувањето го задржува правото за измена на редоследот на содржините во програмата.
-Организаторот на патувањето го задржува правото по пат на Ultra first, last minute Black Friday понуда или друг тип на промоција, да ги објави и продаде слободните капацитети, по цени кои се разликуваат од оние кои се објавени во ценовникот.
-Лицата кои го уплатиле аранжманот по ценовник, немаат право на надоместна средства за разлика во цена;
-Агенцијата го задржува правото на промена на хотел во случај на overbook или други технички причини со подобра или иста категоризација

Седиште
Дозволете долгогодишното искуство на нашиот тим да ви помогне.
https://www.metropoliten.com.mk/wp-content/uploads/2019/04/img-footer-map.png
ОСТАНЕТЕ ВО КОНТАКТМетрополитен на социјални мрежи
Бидете во тек со сите актуелни понуди
AVANTAGEHeadquarters
Organically grow the holistic world view of disruptive innovation via empowerment.
OUR LOCATIONSWhere to find us
https://www.metropoliten.com.mk/wp-content/uploads/2019/04/img-footer-map.png
GET IN TOUCHAvantage Social links
Taking seamless key performance indicators offline to maximise the long tail.

Copyright by Метрополитен Травел ДОО. All rights reserved. Developed by Kikilix.(https://kikilix.com)

Copyright by Метрополитен Травел ДОО. All rights reserved. Developed by Kikilix.(https://kikilix.com)